SoSoSo Kakigori (已結業)

新开业嘅刨冰店口味以日本当造水果为主，近期就有冲绳柠檬、白桃、奇异果、芒果等八种口味。最近佢仲同日本鸟取县合作，推岀期间限定嘅西瓜刨冰、西瓜芝士奶盖冻饮。「鸟取西瓜」甜度达11度！难怪西瓜汁咁清新消暑唔死甜。呢两款都供应至7月21号咋！西瓜刨冰 $110刨冰卖相十足西瓜！初初食落西瓜味都几岀，食到中间有啲乳酸爆爆珠同蒟蒻增添口感，但西瓜味有少少被抢左。不过当淋上旁边嘅香甜西瓜汁，就开始有越食越浓嘅感觉。食到最后都唔会无味！刨冰用上日本天然水，外层质感尚算轻绵。几欣赏顶层嘅芝士奶盖，软滑厚身，好重芝士味，配埋西瓜同乳酸，咸咸甜甜带点清新感觉，层次几丰富西瓜芝士奶盖冻饮 $48芝士奶盖一样厚滑浓芝士味，而底下嘅西瓜沙冰就好重西瓜味 带点冰感，相当消暑唔死甜金柠刨冰 $95令我回想起细个成日食嘅柠檬冰。食落无想像中咁酸，反而偏甜带点微涩。中间一样有酸味味嘅爆珠同蒟蒻增添口感，不过同金柠嘅酸味唔算好大分别，无西瓜个款咁大contrast，胜在有厚滑嘅芝士奶盖增添层次。个人就钟意期间限定嘅西瓜刨冰多啲啦，呢款食到最后有少少单调同甜腻。抹茶蕨饼 $38蕨饼冰凉滑嫩带点Q弹，口感唔错。茶味浓而不涩，