影片
更多
2021-02-17
303 浏览
之前系石门做野，成日经过石门站，对出有间拉面叫面道，都几印象深刻，睇落都系几正宗个D黎。咁岩今日佢地做紧和牛祭promotion，做问卷送飞驒和牛粒，一于就试下啦。入到舖内，店员都好熟练咁用日文讲欢迎光临，店面有吧枱同普通餐厅枱，有好多灯笼同日文poster，好有日本地道气氛。我都算半个和牛控，佐贺和牛整嘅开运双牛拉面每日限定15碗，好好彩咁成功叫到当日最后一碗。和牛粒同拉面都系即叫即整，开放式厨房睇住店员料理都系一种乐趣。同店员倾开先知，原来而家日本和牛做到非常高档次，每块和牛都有番D QR CODE俾你SCAN到来源同特色，食客对店家品质更加有信心。店家亦有七味粉同胡椒粉提供，亦都可以问佢地拎生蒜。和牛粒首先上场，铁板煎香再用火枪梅纳效应封住表面，加上炸蒜点缀。牛粒咬开多汁，肉身软嫩，油脂香配上炸蒜非常可口。然后就到佐贺和牛拉面登场啦！成个摆盘都几精致，有咩配料一目了然。呢款拉面汤同面分开上，因为和牛太熟会影响质感。热辣辣嘅牛骨汤一倒，生和牛片就烫成迷人嘅粉红色，和牛香味即刻四溢。试啖牛骨汤，牛味重，浓香带少少甜，加埋岩岩整嘅蒜泥入去就大功告成。和牛大大块入口即融，个种油脂香味真系
咁岩今日佢地做紧和牛祭promotion，做问卷送飞驒和牛粒，一于就试下啦。
入到舖内，店员都好熟练咁用日文讲欢迎光临，店面有吧枱同普通餐厅枱，有好多灯笼同日文poster，好有日本地道气氛。我都算半个和牛控，佐贺和牛整嘅开运双牛拉面每日限定15碗，好好彩咁成功叫到当日最后一碗。
和牛粒同拉面都系即叫即整，开放式厨房睇住店员料理都系一种乐趣。同店员倾开先知，原来而家日本和牛做到非常高档次，每块和牛都有番D QR CODE俾你SCAN到来源同特色，食客对店家品质更加有信心。
店家亦有七味粉同胡椒粉提供，亦都可以问佢地拎生蒜。
和牛粒首先上场，铁板煎香再用火枪梅纳效应封住表面，加上炸蒜点缀。牛粒咬开多汁，肉身软嫩，油脂香配上炸蒜非常可口。
然后就到佐贺和牛拉面登场啦！成个摆盘都几精致，有咩配料一目了然。呢款拉面汤同面分开上，因为和牛太熟会影响质感。热辣辣嘅牛骨汤一倒，生和牛片就烫成迷人嘅粉红色，和牛香味即刻四溢。试啖牛骨汤，牛味重，浓香带少少甜，加埋岩岩整嘅蒜泥入去就大功告成。
和牛大大块入口即融，个种油脂香味真系令人难以抗拒，系口入面久久不散，非常好食。拉面系用粗面，入口爽滑，咬落弹牙带劲，相当唔错。
温泉蛋外熟内流质，调味岩岩好，唔会太甜或太咸。
海苔插系旁边唔会索哂汤汁，仲有一部分脆身，食得出系日本海苔，有淡淡鲜香。仲有木耳、生菜等配菜中和番油腻感，整体配合相当出色，呢个价位食到呢个level嘅拉面，性价比认真高。MENU入面仲有好多款拉面我都有兴趣，下次一定要同朋友黎试下。
张贴
