吃茶三千 (海運大廈)

营业中

休息中

吃茶三千出咗新款限量嘢饮-鲜果百汇，肯定要去试吓！佢哋饮品嘅茶底系用萃茶机现萃茶叶而成，所以等待时间会长啲，但绝对值得，比咗钱在商场行个圈返嚟就有得饮啦！鲜果百汇，杯身装满咗各种新鲜水果，色彩缤纷，睇落已经好有食欲。茶底清新爽口，上面铺满水果，再加埋啲果汁，饮落去好清甜，果香同茶香完美融合。松针绿茶百香果，绿茶清香，加埋百香果嘅酸甜，令成杯饮品更加清新提神。百香果嘅酸味同绿茶嘅清香完美平衡，饮落去好爽口，啱晒夏天饮用。而且佢哋仲有少量枱凳可以提供比客人坐低饮茶，真系几唔错㗎。