影片
更多
2017-12-08
223 浏览
木嘴今晚又有朋友生日饭局，其实本来就有野做既，不过木嘴本名姓义叫气，当然就照出席，最多扒两啖早走嫁者。朋友book左呢间好似几出名既日式餐厅，由于闻说几好食，所以木嘴全日都留肚无食野咁滞，决定等到夜晚先大食特食。一入去，由于我真系饥荒到顶唔顺，再加上又赶住走，所以拿拿林疯狂落柯打。我地一行五人，一口气疯狂嗌左焗酥皮汤，滑蛋沙律，九洲炸鸡翼，豆乳野菜焗饭，黑豚肉咖哩蛋包饭，汉堡扒咖哩蛋包饭，杂菌忌廉意粉，心太软芭菲同唔记得左乜名既甜品。嗌果阵仲谂紧会唔会唔够，事实证明眼阔肚窄既人类真系会重覆犯错。焗酥皮汤块酥皮又大又脆，捞埋落d汤度食又正，分开食又正，秒速KO。九洲炸鸡翼好大只，甜甜地，唔错。招牌滑蛋沙律个沙律份量多到痴左线，D滑蛋睇落又劲吸引，又系俾我地班饿狗极速KO，依家睇返先发现唔记得影相...豆乳野菜焗饭嗌果阵以为净系得菜，但原来我地几个人都木嘴上眼，发鸡盲睇漏左个饭字，唯有照食，开始越黎越饱。黑豚肉咖哩蛋包饭 同 汉堡扒咖哩蛋包饭其实真心无得输，咖喱汁又多，个饭又多，D黑豚肉同汉堡扒又大份，块汉堡扒直程系厚到离晒谱。木嘴同几个朋友越食越饱，但又唔想唔食晒左D好野㖞，劲矛盾。杂菌
一入去，由于我真系饥荒到顶唔顺，再加上又赶住走，所以拿拿林疯狂落柯打。我地一行五人，一口气疯狂嗌左焗酥皮汤，滑蛋沙律，九洲炸鸡翼，豆乳野菜焗饭，黑豚肉咖哩蛋包饭，汉堡扒咖哩蛋包饭，杂菌忌廉意粉，心太软芭菲同唔记得左乜名既甜品。嗌果阵仲谂紧会唔会唔够，事实证明眼阔肚窄既人类真系会重覆犯错。
焗酥皮汤
块酥皮又大又脆，捞埋落d汤度食又正，分开食又正，秒速KO。
九洲炸鸡翼
好大只，甜甜地，唔错。
招牌滑蛋沙律
个沙律份量多到痴左线，D滑蛋睇落又劲吸引，又系俾我地班饿狗极速KO，依家睇返先发现唔记得影相...
豆乳野菜焗饭
嗌果阵以为净系得菜，但原来我地几个人都木嘴上眼，发鸡盲睇漏左个饭字，唯有照食，开始越黎越饱。
黑豚肉咖哩蛋包饭 同 汉堡扒咖哩蛋包饭
其实真心无得输，咖喱汁又多，个饭又多，D黑豚肉同汉堡扒又大份，块汉堡扒直程系厚到离晒谱。木嘴同几个朋友越食越饱，但又唔想唔食晒左D好野㖞，劲矛盾。
杂菌忌廉意粉
唔好问木嘴好唔好食，因为已经饱到弃械投降，未缴械既朋友就话都好食既。
心太软芭菲同唔知乜甜品
呢间野其实好似最出名系甜品，基本上系多甜品拣到傻，由于我地已经饱到上颈，所以真系五个人一齐试两款算数。都系好食既，最正系可以叫职员帮手写生日快乐喺上面，令到我地唔洗买生日蛋糕，悭返。
走既时候，真系饱到上头，但又好满足㖞。价钱都唔算好贵，上餐亦上得快，正呀喂。
张贴
