影片
更多
2018-07-11
32 浏览
今日木嘴出动去食鸡喇，呢间餐厅叫sodam chicken，喺老兰果头。人地黎老兰系食囡，木嘴只能黎老兰食鸡，真系my face my fate。要去呢间餐厅，需要行条大斜路加楼梯先上到去，大热天时，木嘴差d鸡都未食到就要call白车入医院。好彩，靠住本人神一般既意志力，半爬半行下终于去到间餐厅。口劲干又未齐人就谂住饮啖水啦，嗌左几声侍应终于应我，我就问佢可唔可以比杯水饮住先，佢问返我要热水定冻水呀..咁身为养生小木嘴，梗系嗌杯暖水啦，对身体好丫嘛⋯⋯我：唔该要杯水侍：冻水定热水？我：er...暖水侍：我地得热水同冻水我：咁冻水丫侍：冻水得支装水，要$8我：....................热水啦呢一串对话就彷佛系麦兜既故仔咁，最终麦兜木嘴荣获一杯非常滚可以碌熟条脷既水。但其实早黎既朋友已经非常幸运，因为迟黎既朋友想要水既话，系要等佢再煲架，amazing。好！唔讲呢d无聊野，事不宜迟，快d叫鸡食先。甜酸酱炸鸡，呀估唔到几好食wor！又唔会好热气，鸡肉又好juicy，皮脆肉嫩，正过老兰囡囡。另外呢个系无骨炸鸡，岩晒唔想啃鸡骨想食残废餐既懒虫，即系在下。呢个系太阳芝士炸鸡，中间有个
我：唔该要杯水
侍：冻水定热水？
我：er...暖水
侍：我地得热水同冻水
我：咁冻水丫
侍：冻水得支装水，要$8
我：....................热水啦
呢一串对话就彷佛系麦兜既故仔咁，最终麦兜木嘴荣获一杯非常滚可以碌熟条脷既水。
但其实早黎既朋友已经非常幸运，因为迟黎既朋友想要水既话，系要等佢再煲架，amazing。
好！唔讲呢d无聊野，事不宜迟，快d叫鸡食先。
甜酸酱炸鸡，呀估唔到几好食wor！又唔会好热气，鸡肉又好juicy，皮脆肉嫩，正过老兰囡囡。另外呢个系无骨炸鸡，岩晒唔想啃鸡骨想食残废餐既懒虫，即系在下。
呢个系太阳芝士炸鸡，中间有个农夫包比你点芝士，包保你有邪恶拉丝拉到两呎高都ok。
食落唔会太溜，不过可能会咸左少少。d鸡都系外脆内软，唔够饱仲可以食埋个包，充满住芝士非常yummy!
呢个系紫菜薯条，其实应该有d似食紧shakeshake薯条，不过当然薯条比较厚肉同好食，同埋紫菜粉都非常够，热辣辣都唔错。呢期咁岩出shakeshake，大家可以黎食下对比下边个好食d。
呢个系热情果野饮
呢个系蜜桃
无论系蜜桃定热情果，都系淡而无味，可能系惊你食野重口得济所以想比番d清泉你，咁就盛惠$38，不过都有几粒椰果既。我都系饮番我杯热水先，呢个时候已经摊到差唔多变暖水，只要我坐多半日，杯水可能会变冻水，唔知可唔可以卖返俾间铺赚返8蚊呢。
呢个系bbq唔知咩烧鸡
辣辣地，可能因为系烧既所以比较干身，冇之前两款咁juicy，都系推介之前果两碟多d。
食晒d鸡同薯条，就醒起仲有个炒年糕未黎，倾住计等多十分钟就问下个侍应有未，侍应当然话要check check 先啦。咁小木嘴凭住金睛火眼隐约见到侍应系部电脑到做左个疑似加单既动作...咁好啦继续同班friend讲我个八婆上司点PK法啦，反正木嘴多的是口水。
又讲左15分钟都仲未上，无咩耐性既小木嘴就追多次单。个侍应竟然咁答我「d年糕要解冻再炒，如果唔系个芯会唔熟，所以会耐d」
由我地点餐到呢个moment应该都有45分钟以上，先发现原来年糕系既嗌即解冻㗎...好新鲜！其实只要将d年糕拎出去条街晒一晒，应该唔洗煮，五分钟内可以一拼解冻再加晒熟埋。
其实明显系漏左单啦，呢个时候我只想回佢一句，你讲大话！！
年糕终于上喇，都ok既。虽然佢解左冻45分钟但个芯都唔系特别淋，可能要解冻多45分钟先淋得晒。
食完咁多野，木嘴最推荐既都系炸鸡，不过惊热气既人记得带定几粒喉糖先黎食啦！
张贴
