影片
更多
2013-10-14
4700 浏览
星期六难得偷得浮生半日闲，专程渣车入黎帮衬。Set Lunch价钱非常之合理，weekend一个lunch都系一百蚊左右，非常reasonable，只可惜食物既质素同价钱所反映既预期有落差。Soup of the Day系Fix死既，绝对唔系红汤白汤果个level，只可惜是日既「green pea soup」味道略为淡口，唔好话cream，就连除左少少pea既味道之外乜野味都饮唔出，只见零散既几枱客都要不断落胡椒粉去调味！香煎鲈鱼配他力干香草忌廉汁︰鲈鱼煎得一般般，绝对唔系金黄色果种脆bok bok既感觉，不过口感都可以叫做勉强接受。个sauce算系比较特别，真系食得出香草同忌廉既感觉，至于其他配菜好似薯菜咁都系D大路野，不值一提。烧猪仔骨配茨角沙律︰Again，沙律同茨角都系D大路集体bulk purchase野，一D都唔特别。至于烧猪仔骨更加可以叫做失败。虽然ribs既表面都算juicy，但系唔知系咪调味既时间唔够所以肉里面唔系好入味，而且rib与rib之间好难切开，同一般ribs几乎用手都撕得开既感觉差好远！烧鸡扒配沙爹汁︰坦白讲，完全食唔出鸡扒「烧」既感觉，严格上只系可以叫做「
Soup of the Day系Fix死既，绝对唔系红汤白汤果个level，只可惜是日既「green pea soup」味道略为淡口，唔好话cream，就连除左少少pea既味道之外乜野味都饮唔出，只见零散既几枱客都要不断落胡椒粉去调味！
香煎鲈鱼配他力干香草忌廉汁︰鲈鱼煎得一般般，绝对唔系金黄色果种脆bok bok既感觉，不过口感都可以叫做勉强接受。个sauce算系比较特别，真系食得出香草同忌廉既感觉，至于其他配菜好似薯菜咁都系D大路野，不值一提。
烧猪仔骨配茨角沙律︰Again，沙律同茨角都系D大路集体bulk purchase野，一D都唔特别。至于烧猪仔骨更加可以叫做失败。虽然ribs既表面都算juicy，但系唔知系咪调味既时间唔够所以肉里面唔系好入味，而且rib与rib之间好难切开，同一般ribs几乎用手都撕得开既感觉差好远！
烧鸡扒配沙爹汁︰坦白讲，完全食唔出鸡扒「烧」既感觉，严格上只系可以叫做「小学鸡」都识既煎鸡扒既水平，绝无难度可言。鸡扒应该完全无调味过，所以喺上面淋左个沙爹汁去掩饰，再加埋伴碟既意粉，真系同街口间茶餐厅食既野一模一样，重衰过翠华同太兴果D集团式制作！
香蒜牛柳粒扁意大利面︰个蕃茄汁做得唔错，而面既软硬程度亦都适中，唔会有过硬或者过腍既情况出现。但系我揾晒成碟野先至locate到得几粒既牛柳粒，照计D料都唔系贵成咁唧，唔驶咁呀吗？Other than that overall算唔错，portion又比想像中大，算系是日最「正常」既菜式喇！
我冇俾「喊」佢既原因主要系服务方面。侍应对老人家都尚算细心，叫佢俾刀叉同碟share野食都快快手手，唔会黑面或者十问九唔应。不过如果佢地再唔谂办法喺食物方面改善，真系好难叫人专登山长水远入黎食你果D overpriced但质素只系中下既食物！
张贴
