書湘門第 (冠華大廈)

营业中

休息中

今日出去洗牙，顺便系西环揾饭食，路过见到间店名咁得意，就睇下有咩食啦。原来有🪵木桶饭食，几特别。去到已坐满，以为要等位时，原来仲有楼上可以坐人，庆幸可以即时入座，唔驶系出面高温🌞等位。佢个小菜menu几古式，我地当然要试佢招牌木桶饭，我地叫左孜然牛肉🐮同鸡汁荀炒腊肉🐷，再加左个砂锅通菜。孜然牛肉一送上枱，已经嗅到劲香既孜然味。食落去好有锅味同埋真🌶🌶辣好正，我呢个系正常辣，可以走辣同简辣度，食饭途中，听到一位学生哥食中辣，心感佩服。鸡汁荀炒腊肉，佢既𩠌份量绝不孤寒，而且炒出黎既汁捞饭都好好味。砂锅通菜，佢有少少似飞天通菜，不过唔同既系佢有辣味之余仲带点甜味。佢午餐一个木桶饭同即炒小菜，送埋汽水，枱面仲有壶茶俾你斟黎饮，我觉得咁既价钱绝对系值得。下次有机会黎试下佢其他菜先。