木船 (已結業)

今日食左间好靓既泰国菜。餐厅以木船为主题。好靓既装饰，食得好舒服。叫左个咸肉炒野菜苗。好耐冇食野菜苗，钟意野菜苗个爽脆既口感，加埋蒜同咸肉既味道渗晒入菜度，食一啖阵香味好足，好爽。之后再叫个泰皇单骨鸡翼。鸡翼一黎已经好香香茅味。食一啖仲热辣辣，啱啱炸出黎，好正。加埋泰式酸辣酱一齐食，个感觉好似去左曼谷，好惹味的小食。跟住叫埋个野饮。脆爆芒果园。饮品同餐牌一样，好靓呀，睇到都已经好开胃。劲多芒果，仲有粒芒果雪米糍系入边。饮左一啖，芒果味浓，好好饮。原来爆谷同芒果可以咁夹，爆谷香脆既味道同焦糖提升左芒果饮品既味道，正呀！估唔到呢间野环境舒服，味道又好食。会在帮衬！