影片
更多
2010-08-15
114 浏览
其实上星期好早都黎过哩度买蛋挞同叉烧酥俾一个好难得黎到香港既外游人仕食... 原来当日个外游人仕返老家~ 仲带左D返家乡俾屋企人食... 佢地对蛋挞同叉烧酥既评价极高~ 听完自己心郁郁真系要试下啦^^ 刚巧有D事突然要落街食饭~ 由于天气太热又唔想行得太远... 所以近近地咁黎左哩度食~一点半行入去... 有个男仕已经企系对正门既位置问几多位~ 估唔到两位都会俾卡位我地坐... 睇紧食咩既时候~ 无任何催促落单既情况... 到落单~ 由于我唔钟意食饭... 见到有个餐系芝士焗龙脷柳饭~ 我就同阿姐讲"芝士焗龙脷柳意粉"... 点知阿姐望一望好醒咁话"唔好意思呀~ 哩个餐佢set左系跟饭~ 如果你想食意粉不如叫另一样啦... 唔好意思呀" 阿姐态度客气有礼... 好~ 咁就转食蒜蓉鸡扒意粉... 由于怕唔俾刀又要我用只叉叉住块鸡扒~ 又要用口咬块鸡扒之余D蒜蓉搞到我块面~ 就同阿姐讲鸡扒可唔可以碎上... 阿姐依然好有礼貌咁答"不如俾把刀你自己切啦~ 唔好意思呀... 午膳时间比较忙~ 多谢你体谅" 见阿姐咁有礼貌~ 我都无所谓 至于同行朋友就食左红酒脍牛脷饭~蒜蓉鸡扒意粉($33):
一点半行入去... 有个男仕已经企系对正门既位置问几多位~ 估唔到两位都会俾卡位我地坐... 睇紧食咩既时候~ 无任何催促落单既情况... 到落单~ 由于我唔钟意食饭... 见到有个餐系芝士焗龙脷柳饭~ 我就同阿姐讲"芝士焗龙脷柳意粉"... 点知阿姐望一望好醒咁话"唔好意思呀~ 哩个餐佢set左系跟饭~ 如果你想食意粉不如叫另一样啦... 唔好意思呀" 阿姐态度客气有礼... 好~ 咁就转食蒜蓉鸡扒意粉... 由于怕唔俾刀又要我用只叉叉住块鸡扒~ 又要用口咬块鸡扒之余D蒜蓉搞到我块面~ 就同阿姐讲鸡扒可唔可以碎上... 阿姐依然好有礼貌咁答"不如俾把刀你自己切啦~ 唔好意思呀... 午膳时间比较忙~ 多谢你体谅" 见阿姐咁有礼貌~ 我都无所谓 至于同行朋友就食左红酒脍牛脷饭~
蒜蓉鸡扒意粉($33): 鸡扒油份唔太多~ 汁料浓度适中
红酒脍牛脷饭($33): 牛脷有三片... 都几大块~ 同行朋友话真系食牛脷都饱晒~
是日餐汤: 要左中式既冬瓜𫠒鱼汤... 有D怪既配搭~ 不过又几好饮㖞
饮冻柠茶(+$2): 哗... 惊喜~ 竟然有五片柠檬架 茶味浓而不错
食食下发现又爆棚~ 但系侍应速度都几快... 上餐都好快~ 五分钟左右就有得食啦^^
张贴