慢煮工業 (已結業)

排太子区热搜头位，见图示左上角有条红带，又试透过开饭㩒订即晚6:45位，估唔到咁巴闭，翌日唔系红日嘅普通一个星期一都会爆满，冇订位二人大概要坐吧枱冇椅背高凳。声称唔俾加单，原因系限时食90分钟，中途加单要厨房急煮而个客又未必限时内食得切，因此有咩请一铺过点哂佢，同埋要预先付款，之后等侍者上菜。为更准确及更有效率，用手机备忘录打字打份菜单稿列哂要咩要咩，埋到柜枱show俾收银睇就一览无遗一目了然。主张慢煮，但上菜好快唔驶10分钟，唔通慢煮变快煮？以慢煮嚟讲，仲系略嫌唔够熟⋯⋯表皮𠮶阵香草蒜盐几好调味，配薄荷香草酱，切开粉红肉，有啲甚至生到咬唔开嘅位要摒弃。唯一啲羊架质素唔差，比一般羊架大旧啖啖肉冇臭膻味，但食牲口肉（除咗牛、日本食嘅某啲鸡肉外）唔熟颠覆我三观。曾有股冲动想叫厨房再煮多阵先再上菜，谂起佢免收加一（自助去水吧对面攞调味料、斟水），心理上唯有冒住肠病毒感染嘅感觉食落去（距用餐时间十几个钟，暂时未感不适）。有啲搲头点解会推介猪仔骨，如果以寻晚质素嚟讲⋯⋯表皮个烧烤BBQ汁系唔错，但一切开，髀仔肉好松散，甚至呈罐头吞拿鱼肉𠮶种碎感，咬开冇味，好淡，明显冇用吓香草盐腌吓，单靠外皮𠮶浸