The hangout bar & cafe (已結業)

我哋8:40行过依一间吧。佢哋就叫我哋入去饮酒。佢哋一共有三个地舖喺同一条街附近嘅位置。佢哋好努力咁推介，我哋见到有甜品牌，问佢哋是日甜品系乜嘢，佢哋话可以入去问一问厨房，又推介自己舖头有甜品食。咁于是我哋入到去叫咗嘢饮。落单𠮶时已经怪怪地，个侍应全部酒嘅名都唔识，我都同佢讲话系餐牌第几行。之后隔一阵佢哋就话政府规例要每一张枱都要叫食物，我哋多个四个人要叫两个食物。我已经觉得有啲奇怪，因为佢已经摆低咗花生，已经算系有收费嘅食物，而且佢又唔解释唔到𠮶条规例嘅详情。于是我哋就问佢有啲乜嘢甜品，佢哋就同我哋讲冇甜品。咁我就已经觉得有少少被呃，同佢哋讲话头先响出面系因为见到有甜品先至入嚟，但佢哋坚持要我哋叫两个食物，咁我哋最后都叫咗。食物同饮品味道都冇乜特别。去到9:30嘅时候，佢哋突然之间拎张单嚟话叫我哋埋单，𠮶时先至知道原来佢哋10:00就要闩门。但系明明我哋入去嘅时候佢哋冇同我哋讲过！我哋问佢哋可唔可以去隔离都系属于佢哋𠮶间酒吧度继续饮，佢就答话可以，但隔离冇位。我哋无奈之后就继续饮，去到9:45 ，佢竟然熄灯！但系我哋都冇走，佢就走咗去落闸，做咗好多小动作提示我哋走，但𠮶阵只系9:50