㷫烚烚 (已結業)

‼️（爆雷一间舖）价钱图文不符‼️❗️如果喺香港想食服务，对唔住，哩间都一样唔会俾到你，啲服务员态度西过西太后，奇奇怪怪，有啲唔识讲广东话要讲普通话❗️前菜得皮蛋同兜细沙律❗️鸡煲方面，原来喺生鸡肉加一堆五香八角捞咗酱汁上嚟，之后佢俾个Timer你，10分钟内话煮完，一开始店员都会捞一捞，再同你讲两分钟要再捞，然后果十几分钟都要自己不断捞，食个鸡煲姐⋯自己落厨咁攰❗️出面自取嘢食方面完全唔得，衰过牛乜牛乜❗️海鲜拼盘唔合格，海鲜完全冇味蒸过时，好似食擦子胶，想练牙力，可以一战❗️卜卜蚬煲劲多沙店员强推话系店舖招牌，招牌要系沙滩捞上黎，啲蚬肉啖啖入口都喺沙，要记住，在座每位要额外加$25（要加一）❗️一路食一路催，上煲冇耐就问要唔要用出面自助区，佢地系有讲明，叫我哋慢慢食，但就不停问重用唔用自助区，再一阵，就过嚟埋单，都系叫我哋慢慢食，压力边炉❗️所谓88折及21时15分后入座7折都喺噱头嘢嚟，唔好俾佢宣传牌呃咗，佢加一服务唔喺跟翻折后价钱，喺跟原价(449)加一再加翻落个折咗嘅价度，完全违反商品说明条例wor，当然佢一句要用放大镜先睇到嘅「所有解释权归于本舖」，你就口同鼻拗啦，最后奉献一句，咪入间舖交智商