萬發海鮮火鍋菜館

营业中

休息中

几间分店无疑呢间算系坐得最舒适，但舖头位置亦认真刁钻，想撞到熟人都难。舖面主要做啲6人以上大枱，仲有一层喺楼上。到场前，有食到怀旧菜嘅期望，嚟到听到侍应介绍招牌菜居然只系薯仔炒牛柳⋯⋯冇话系用和牛呀⋯⋯咁有「创意」嘅推介，咁我点番啲家堂菜算。咁多碟𩠌最交到差系石锅啫啫通菜，叫做够镬气，只系盐花重手咗些少可接受。小炒皇调味算适中，系啲虾干浸得唔够时间，硬过我条命。金牌风沙鸡说穿即炸子鸡，冇如图𠮶种「风沙」炸蒜，鸡仲系保留雪味，普通酒楼围餐炸子鸡质数。龙趸两食当中只系有西兰花伴碟𠮶碟易入口，另一碟蒸龙趸头腩腥到不堪，食一旧已想𦧲⋯⋯豉椒炒花甲啲花甲仅属蚬仔大细，而且4分1系唔开壳，夹得无瘾。此时友人讲话另一分店小炒做得好好多，不过经已冇咩心思再去试。