上岸料理 (已結業)

想试左好耐既日本餐厅，今日平日午餐就黎试下啦！午餐时间都冇咩人，只系坐咗三四枱，人少环境够静👍🏻系门口系睇唔到里面，对食客黎讲私隐度高，食得舒服。午餐有鱼生饭，仲有熟食，唔食生野既朋友都有得拣！是日拣左一生一熟，咩都试下丫嘛。先有前菜👇🏻，新鲜沙律菜，海蜇青瓜，同蒸蛋。3样都好食呀！期待住佢既主菜！先黎既系杂锦刺身定食👇🏻系鱼生饭当中最贵嘅一款，一试就试最好既💪🏻朋友呢个定食叫左少饭，开头仲以为佢无少到....铺排得好靓好精致，刺身够新鲜，整体正常，不失不过。仲有碗好饮面豉汤！跟住我呢个系烧三文鱼扒定食👇🏻三文鱼睇落好细旧，但其实好厚身，食落都够！系盐烧三文鱼，鱼皮烧得好香，少少少少脆口。请留意碗饭，好大碗，系超级大碗！终于知道朋友个碗饭真系少左！可惜....佢只系一碗普通白饭，我食唔到日本米既香甜同黏糯口感，有点失望😞如果系日本米我一定食得落呢碗饭。最后你可以选择饮品或者甜品，饮品系以咖啡或柚子茶，甜品系杏仁豆腐豆腐雪糕。我地都拣左豆腐雪糕，可惜食左都唔知系系豆腐味嘅雪糕....呢间尚算高级嘅日式餐厅，午餐二人埋单三百几蚊，正常价钱，但食物质素普通未见惊喜，食完一次唔会挂住嘅餐厅。