影片
更多
2022-09-24
1058 浏览
见openrice有咁多好评，再加上book枱有85折，今日一于午餐黎试吓佢嘅酸菜鱼。我地11:30 就已经到，食个early lunch。间铺面积好细，只系得10几张枱，而且枱与枱之间都几贴近，幸好刚开铺冇乜人，唔算坐得逼夹。入座时职员已经表明因为用左85折优惠，所以只限现金付款，咁嘅规矩真系第一次听，有啲O咀，以为自己去左大排档只收现金…今时今日去餐厅真系好耐未用过cash，好在咁啱有cash响身，否则都几尴尬。入座之后，唔好话茶，连水都冇的。好明显佢系迫你叫酒水可以做多啲生意。顺带一提，啲间餐厅系收加一服务费的，其实供应清水/茶系基本服务…因为85折只收现金，冇水供应，啲啲细微嘅地方都显示出个老板系几咁少家。为左悭果信用卡/电子支付果2%嘅费用，要个客俾现金，会唔会太cheap？我哋系为咗酸菜鱼而来，再加上只限「现金」，我哋都刻意唔叫其他嘢了。必食冷锅酸菜鱼 $218 👍🏻👍🏻👍🏻简单讲，一啲都唔觉得系必食，只系好一般。唔系难食，但味道平平无奇，同「必食」系仲有段距离。首先，没有其他店嘅酸菜鱼有香气扑鼻嘅感觉（反而隔离枱叫香锅就香好多）。佢用左铸铁锅来盛载，好处系保温较好，食到后
间铺面积好细，只系得10几张枱，而且枱与枱之间都几贴近，幸好刚开铺冇乜人，唔算坐得逼夹。入座时职员已经表明因为用左85折优惠，所以只限现金付款，咁嘅规矩真系第一次听，有啲O咀，以为自己去左大排档只收现金…今时今日去餐厅真系好耐未用过cash，好在咁啱有cash响身，否则都几尴尬。
入座之后，唔好话茶，连水都冇的。好明显佢系迫你叫酒水可以做多啲生意。顺带一提，啲间餐厅系收加一服务费的，其实供应清水/茶系基本服务…
因为85折只收现金，冇水供应，啲啲细微嘅地方都显示出个老板系几咁少家。为左悭果信用卡/电子支付果2%嘅费用，要个客俾现金，会唔会太cheap？
我哋系为咗酸菜鱼而来，再加上只限「现金」，我哋都刻意唔叫其他嘢了。
必食冷锅酸菜鱼 $218 👍🏻👍🏻👍🏻
简单讲，一啲都唔觉得系必食，只系好一般。唔系难食，但味道平平无奇，同「必食」系仲有段距离。
必食冷锅酸菜鱼
$218
34 浏览
0 赞好
0 留言
首先，没有其他店嘅酸菜鱼有香气扑鼻嘅感觉（反而隔离枱叫香锅就香好多）。佢用左铸铁锅来盛载，好处系保温较好，食到后尾都仲热，啲样值得一赞。锅的size不算大，但够深所以份量都十足。
鱼份量都几多，够滑啖啖肉，但可惜冇乜鱼味，原因系食材本身，与烹调方法无关。一般酸菜鱼都会用鲈鱼/桂花鱼，鱼味浓，有鲜味；但啲间店用左较廉价嘅生鱼，相对味道淡好多，纯粹食佢嘅啖啖肉。
话明酸菜鱼，酸菜当然一样咁重要，但好可惜全个锅都揾唔倒有几多酸菜，反而芽菜就劲多。酸菜太少，所以酸菜味道亦都好薄弱。个锅仲有其他配料例如莴笋、少量宽粉等。
另外个锅有好大层油响表面，而啲油系唔香嘅，未能够提升酸菜鱼嘅味道。反之，令到成件事油腻左，不停要用纸巾抹咀。
个汤都几甜几好饮，但唔系酸菜鱼嘅味道，而系鱼汤嘅味道。
总括而言，佢应该叫生鱼片锅而唔系酸菜鱼。如果你唔知咩叫「必食」嘅酸菜鱼，净系想食啖啖肉嘅鱼片，啲道菜系可以满足你。但如果你想食正宗酸菜鱼，建议你去其他店（例如厨十三嘅老坛酸菜鱼、十二味嘅人见人爱酸菜鱼，都比较出色好多。
P.S. 好明显老板好积极地邀请blogger写食评。
食物：❇️❇️❇️
环境：❇️❇️❇️
服务：❇️❇️
价钱：❇️❇️❇️
翻兜指数：❇️
张贴
