影片
更多
2015-10-02
3135 浏览
好朋友生日，谂住同佢食个特别既晚餐庆祝，最后拣左位于上环A2出口转右步行2分钟，昌盛大厦三楼既餐厅。拣呢间餐厅既其中一个原因，除左LOCATION 适合我地之外，都因为同一商厦既一间餐厅之前入过OPENRICE 餐厅排行榜既头十位，果时顺带睇埋同一大厦仲有咩食既同时，俾我发现呢间开左唔系太耐既西班牙菜餐厅，根据其他BLOGGER既COMMENTS，呢到既环境同食物都几好咁。「La Postre」其实系西班牙语，解作甜品的意思，不过我地当日唔系黎食甜品，而系晚餐。不竟都怕放工时候多人要等位，为左唔好令朋友失望，预早成10日BOOK 定台，去到餐厅时，可能因为时间比较早，都唔算太多人。餐厅用左粉蓝色为主调，带点希腊悠闲风格，钟意望窗外景既朋友们可以选择坐高櫈座位。好可惜既系本人被网民高技术既摄影技巧骗左，环境同感觉都无几位BLOGGER 讲到有几浪漫同气氛有几好。西班牙海鲜饭相信系呢到既招牌菜，见好多BLOGGER都有叫，呢个饭有分2人或4人份量，我地2个人食当然叫左个2人份量啦。上台时热辣辣，卖相都几吸引，海鲜又多，有青口，大虾同蚬，排得满满，望落真系好足料，惊喜十足! 底层的意大利饭吸
拣呢间餐厅既其中一个原因，除左LOCATION 适合我地之外，都因为同一商厦既一间餐厅之前入过OPENRICE 餐厅排行榜既头十位，果时顺带睇埋同一大厦仲有咩食既同时，俾我发现呢间开左唔系太耐既西班牙菜餐厅，根据其他BLOGGER既COMMENTS，呢到既环境同食物都几好咁。
「La Postre」其实系西班牙语，解作甜品的意思，不过我地当日唔系黎食甜品，而系晚餐。不竟都怕放工时候多人要等位，为左唔好令朋友失望，预早成10日BOOK 定台，去到餐厅时，可能因为时间比较早，都唔算太多人。
餐厅用左粉蓝色为主调，带点希腊悠闲风格，钟意望窗外景既朋友们可以选择坐高櫈座位。好可惜既系本人被网民高技术既摄影技巧骗左，环境同感觉都无几位BLOGGER 讲到有几浪漫同气氛有几好。
西班牙海鲜饭相信系呢到既招牌菜，见好多BLOGGER都有叫，呢个饭有分2人或4人份量，我地2个人食当然叫左个2人份量啦。上台时热辣辣，卖相都几吸引，海鲜又多，有青口，大虾同蚬，排得满满，望落真系好足料，惊喜十足! 底层的意大利饭吸晒海鲜汤同茄汁浓郁既味道同精华，软绵绵，非常好吃又开胃，海鲜食落爽口弹牙又新鲜。至于饭既颜色就比一般既西班牙海鲜饭红，似系落得比较多paprika。
西班牙猪仔骨就真系无咩特别，无咩所谓「西班牙」既风味，成碟都系肉，唔系个个女仔都接受到，建议餐厅加少少沙律菜拌碟，卖相靓D之余之健康，睇落都开胃D。
2个人食完呢2样野都好饱，叫唔到本身想试既蔬菜墨西哥玉米片(Nachos)，下次黎一定要试下。
张贴
