嚐味喇沙 (已結業)

沙田中心早前大装修，呢间「尝味」都系最近先开，是日星期六，午饭时间都见好多人排队，心谂味道应该唔错，打算试下。既然呢度咁出名食喇沙，就梗系试下啦。喇沙有两款可以拣，分别系「杂锦喇沙龙虾汤拉面」同埋「扎肉喇沙龙虾汤拉面」。套餐包汤或者咖啡或茶，你亦都可以选择加$8转特饮。除此之外，仲可以以$10-$15 加小食添。麻麻地喜欢饮汤既我，拣左要特饮，叫左话梅柑桔梳打。加入左话梅柑桔既梳打水，大约有半杯系冰，起初饮会有D过甜，但系随著冰慢慢溶，甜度开始转淡，到中段时味道系刚刚好既。以上既泰式鱼饼只需要加$12，虽然份量极为迷你，味道同卖相亦都唔叫特别吸引，但系以呢个价钱黎讲有咁既质素都算系咁架啦。「扎肉喇沙龙虾汤拉面」卖相真系非常一般，汤底颜色略浅，味道极淡，真系分分钟买即食喇沙汤面返屋企煮都仲好味。不过配料都算多，除左扎肉之外都仲有猪颈肉，蛋，豆卜同埋虾，又未至于真系不能下咽既。