影片
更多
2024-08-13
293 浏览
之前经过见到新开张买一送一，但𠮶次食饱饭饮唔落，见几特别谂住下次再去，但今次佢已经变咗系第二杯半价，不过难得去到照试吓。睇餐牌见到产品定价偏高，平均都$50，不过谂真啲隔离买柠檬茶成本低啲都成30几40一杯，呢间奶昔要奶要cream要鲜果，都可能真系要呢个价，不过最后见佢整，木瓜唔系鲜果粒系一pat蓉，唔知佢有无曾经系鲜果形式系呢间舖出去过了。拣左木瓜椰奶加桃胶，同意大利黑朱古力加Oreo，我哋前后都无单，全程睇住佢制作，佢都整得几泶嫪同埋慢。不过佢个猫猫盖咁可爱，令我饮之前有期待左一下两杯一开始饮落都冇乜味，可能佢根本搞唔匀，唧咗啲雪糕系底，味道既材料加系面，搞嘅时候上面啲材料搞唔到落去，所以饮管饮由底吸上嚟，头𠮶大约半杯都净系饮到牛奶雪糕。后尾𠮶半开始饮到自己拣嘅味，但其实都好淡，所以如果成杯由开始都完全捞匀，应该都系冇乜味。桃胶得好少，感觉上得两三啖饭到，Oreo碎存在感系零。呢个质素，第二杯半价黎讲都略嫌贵，未至于难饮，但真系好失望呢。当日店员全部都净系识英文，我哋都识所以成功买到，但购买途中有大陆人黎问点买咩黎，店员都只系答到I don’t understand，喺旺角做生意
睇餐牌见到产品定价偏高，平均都$50，不过谂真啲隔离买柠檬茶成本低啲都成30几40一杯，呢间奶昔要奶要cream要鲜果，都可能真系要呢个价，不过最后见佢整，木瓜唔系鲜果粒系一pat蓉，唔知佢有无曾经系鲜果形式系呢间舖出去过了。
拣左木瓜椰奶加桃胶，同意大利黑朱古力加Oreo，我哋前后都无单，全程睇住佢制作，佢都整得几泶嫪同埋慢。不过佢个猫猫盖咁可爱，令我饮之前有期待左一下
两杯一开始饮落都冇乜味，可能佢根本搞唔匀，唧咗啲雪糕系底，味道既材料加系面，搞嘅时候上面啲材料搞唔到落去，所以饮管饮由底吸上嚟，头𠮶大约半杯都净系饮到牛奶雪糕。后尾𠮶半开始饮到自己拣嘅味，但其实都好淡，所以如果成杯由开始都完全捞匀，应该都系冇乜味。桃胶得好少，感觉上得两三啖饭到，Oreo碎存在感系零。呢个质素，第二杯半价黎讲都略嫌贵，未至于难饮，但真系好失望呢。
当日店员全部都净系识英文，我哋都识所以成功买到，但购买途中有大陆人黎问点买咩黎，店员都只系答到I don’t understand，喺旺角做生意，但净系可以提供英文对答，仲要价格定位偏高，呢盘生意都有啲难做，只能说句加油。
张贴
