八沢 (已搬遷) 新店位置

第一次係朋友特登帶我黎搵食而偶遇呢間餐廳。雖然環境細咗少少，椅子亦唔算太舒適，但佢有小店獨有既良好服務態度。食物質數亦有驚喜。串燒味道唔算特別，但估唔到個白汁忌廉烏冬同牛扒咁惹味~ 唔知呢啲係咪唔算正宗日本菜，但如果佢玩fusion 我覺得味道都幾特別。白汁海鮮烏冬味道香濃而唔太漏，烏冬係稻庭幾滑，牛扒啲醬汁甜甜地，啲肉又夠稔夠入味，有一試難忘既感覺！已經食過兩次，希望可以keep住水準啦 ！