影片
更多
2024-02-29
1918 浏览
见到稻香出$1鸡煲/ 海鲜煲，因为细个食过第一次出一蚊鸡个时唔差，又勾起儿时情怀，谂住约埋班fd出黎雅兰试试佢啦！咁呢个$1优惠系20:30后先有既，我地已经早左半个钟去到等，一开始个知客态度已经差，问佢使唔使拎飞，黑住面话唔使拎筹，到21:00直接入就得，点知过左阵静鸡鸡放个牌出黎要排队，好彩有睇到个牌，个知客完全无通知其他客人要排队拎筹入到去原来要自己扫QR code，但佢个code挂左系自助茶车侧边，另一个女传菜系咁催我地快啲叫煲(语气系好差)，我地5个人叫两个金钱肚炆鸡煲，再叫左啲火锅料，两个煲黎到个阵，得一边有炉，个男经理过黎开炉，但因为个炉既LED好弱，又无声，朋友禁多几下开关，个男经理走埋黎大声喝我地唔好乱禁，与此同时佢自己又好多手咁禁多几次，大大声话：嗱！个炉咪著架啰！咁因为另一个煲无炉关系，我地又问一次个女传菜有无多个炉比我地翻热，佢话好大声话无架啦！得一个!(语气差到以为我地食霸王餐定得罪左佢全家）本住$1鸡煲既心态，对佢已经无乜期望，鸡好大阵雪鸡味，枝竹无味，亦见唔到任何一旧金钱肚出现，另一枱食客问男经理：金钱肚呢？ 男经理回佢地一句：无金钱肚架㖞！ 好嘢，你放一
咁呢个$1优惠系20:30后先有既，我地已经早左半个钟去到等，一开始个知客态度已经差，问佢使唔使拎飞，黑住面话唔使拎筹，到21:00直接入就得，点知过左阵静鸡鸡放个牌出黎要排队，好彩有睇到个牌，个知客完全无通知其他客人要排队拎筹
入到去原来要自己扫QR code，但佢个code挂左系自助茶车侧边，另一个女传菜系咁催我地快啲叫煲(语气系好差)，我地5个人叫两个金钱肚炆鸡煲，再叫左啲火锅料，两个煲黎到个阵，得一边有炉，个男经理过黎开炉，但因为个炉既LED好弱，又无声，朋友禁多几下开关，个男经理走埋黎大声喝我地唔好乱禁，与此同时佢自己又好多手咁禁多几次，大大声话：嗱！个炉咪著架啰！咁因为另一个煲无炉关系，我地又问一次个女传菜有无多个炉比我地翻热，佢话好大声话无架啦！得一个!(语气差到以为我地食霸王餐定得罪左佢全家）
本住$1鸡煲既心态，对佢已经无乜期望，鸡好大阵雪鸡味，枝竹无味，亦见唔到任何一旧金钱肚出现，另一枱食客问男经理：金钱肚呢？ 男经理回佢地一句：无金钱肚架㖞！ 好嘢，你放一旧金钱肚落去，食客都无得投诉你违反商品条例，宜家理直气壮话冇金钱肚，仲话$1鸡煲乍！(你想点）
咁我地都叫左火锅料，除左墨鱼滑口感奇怪(唔知系咪材料唔新鲜），鱼皮饺可以用劣食黎形容之外，其他火锅料都可以放得入口既。
最后5个人埋单$680.5，茶介每人$15，服务费都好意思收。你可能话，$1个鸡煲，你仲想点呀？快餐店都有个免费笑容呀，职员如此优质服务，想比人闹我不如过多几个站去好出名个间茶记体验好过，起码唔系比钱买难受。
结论：啲职员服务态度差到唔知点解仲可以挂住优质服务个章
张贴
