明星海鮮燒鵝專門店

营业中

休息中

难得放假，啱啱个星期日同屋企人去饮茶，疫情关系近近地唔好去咁远，就去咗屋企附近嘅明星海鲜酒家。好耐冇饮茶啦，叫返几个点心试吓先。酒楼嘅牛柏叶好大份，几个人食都得，但系就咸咗啲啲，但都可以接受嘅。另外叫咗个烧腩仔饭，烧腩仔唔算太肥，但系𠮶皮可能冻左，已经唔再脆口，不太推荐。我另外叫咗个鸡扎，都算系大旧，入边嘅料亦都充足，特别系大大嚿嘅芋头，软绵绵的，值得一试！亦都叫咗个点心拼盘，样样野都有dd，啱晒两个人食，一人一旧唔使争。总结来讲，明星饮茶都算OK，价钱合理，近近地又食到一餐丰富而又多选择既！