影片
更多
2020-11-02
325 浏览
未试过系一间餐厅有咩嘅体验1. 商场餐厅无人serve入到餐厅睇到有A4 纸叫我哋自己揾位有时都明白 如果餐厅多人 无人手 自己揾位自己攞menu唔系问题2. 餐牌一半野食都无重点系 我拣好晒 去counter点餐 佢先同我讲menu有一半野食都无所有便当都无 面有一半都唔可以拣 但我哋去餐厅戈时系星期六下午时段 应该系黄金时段 都可以准备得咁唔充足我哋再去拣过 再落过餐 我叫甜不辣无 叫梳打又话无 最后拣咗黑糖珍珠奶茶 谂住实无死 我朋友就叫咗个牛肉面 同一杯唔记得咩嘅绿茶3. 招牌牛肉面都可以咁难食咩面劲淋 食落0口感 牛肉汤无味 都比唔到评价佢4. 绿茶 奶茶都劲细杯应该洗唔切杯 用纸杯装 仲要系细纸杯 咁就廿几蚊一杯 我哋见到都呆咗 好味都可以原谅佢 但事与愿违杯绿茶 冰占咗一半 只杯已经细 仲落咁多冰 搞到无咩味杯奶茶 无奶味 茶味又唔出 0黑糖味 仲要啲珍珠系椰果 定咖啡冻嘅嘅 劲失望😞为咗影低啲珍珠嘅样 我先去饮晒杯奶茶🤭5. 开放式厨房劲混乱啲野好似乱放咁 放晒啲嘢系枱上面 （利申：舖头入面得3-4枱客左右 2个staff做野）其实应该唔会好忙望到都觉得厨房卫生情况好
1. 商场餐厅无人serve
入到餐厅睇到有A4 纸叫我哋自己揾位
有时都明白 如果餐厅多人 无人手 自己揾位自己攞menu唔系问题
2. 餐牌一半野食都无
重点系 我拣好晒 去counter点餐 佢先同我讲menu有一半野食都无
所有便当都无 面有一半都唔可以拣
但我哋去餐厅戈时系星期六下午时段 应该系黄金时段 都可以准备得咁唔充足
我哋再去拣过 再落过餐 我叫甜不辣无 叫梳打又话无 最后拣咗黑糖珍珠奶茶 谂住实无死 我朋友就叫咗个牛肉面 同一杯唔记得咩嘅绿茶
3. 招牌牛肉面都可以咁难食
咩面劲淋 食落0口感 牛肉汤无味 都比唔到评价佢
4. 绿茶 奶茶都劲细杯
应该洗唔切杯 用纸杯装 仲要系细纸杯 咁就廿几蚊一杯 我哋见到都呆咗 好味都可以原谅佢 但事与愿违
杯绿茶 冰占咗一半 只杯已经细 仲落咁多冰 搞到无咩味
杯奶茶 无奶味 茶味又唔出 0黑糖味 仲要啲珍珠系椰果 定咖啡冻嘅嘅 劲失望😞
为咗影低啲珍珠嘅样 我先去饮晒杯奶茶🤭
5. 开放式厨房劲混乱
啲野好似乱放咁 放晒啲嘢系枱上面 （利申：舖头入面得3-4枱客左右 2个staff做野）其实应该唔会好忙
望到都觉得厨房卫生情况好差
btw我见到隔离有枱客等野食等咗劲耐 要吹先出一样野食比佢 好惨
黄店唔系大晒 做餐厅最重要系食物质素 希望会有改善 但暂时我都唔会再去哩到食嘢
张贴
