影片
更多
2008-05-04
52 浏览
之前有晚3号风球，又黑雨，但系屋企又无野食，又唔想去太远地方食野，于是乎系网上面见到呢间「泰馨」私房菜，虽然得一个评语，但系评价唔错之余见价钱都相宜，于是乎就胆粗粗去试下。晚上9点半，男朋友开车去，去到附近都几荒芜，全部地舖都已经关门，去到附近都觉得似乎唔对路，正准备掉头之际，发现有「X丰」停车场，记得网上面有提过之余，斜对面有间只有门牌家住「329」但又无名既地方，出面挂有灯饰，一落车就有人问系咪食野，原来系食客黎既~ 仲教我地泊车去对面个停车场，食完饭后叫佢地盖印就可以免费泊车，真系好人呢！去到门口，发现门上面无舖名，只得门牌，同埋一个门钟，门口左手边有个几靓既信箱，上面大大只字写住329，但系其他就系泰文；最欣赏既系佢地既心思，门口有好多植物，系个信箱下面系个花盆，远睇以为系另一盆盆栽，点知原来系俾人掉烟灰同烟头的！我地两个人order左细既冬荫公汤$30、酿鸡翼两只$40 ($20@)、虾酱炒通菜$30、生虾6只$54 ($9@)，呢个系问佢既价钱，不过唔知点解埋单个阵收$160，不过都算好平。第一个到既系冬荫公汤，本身唔太肚饿既我，一饮之后，都赞不绝口呢！以往饮开既，大部份都
晚上9点半，男朋友开车去，去到附近都几荒芜，全部地舖都已经关门，去到附近都觉得似乎唔对路，正准备掉头之际，发现有「X丰」停车场，记得网上面有提过之余，斜对面有间只有门牌家住「329」但又无名既地方，出面挂有灯饰，一落车就有人问系咪食野，原来系食客黎既~ 仲教我地泊车去对面个停车场，食完饭后叫佢地盖印就可以免费泊车，真系好人呢！
去到门口，发现门上面无舖名，只得门牌，同埋一个门钟，门口左手边有个几靓既信箱，上面大大只字写住329，但系其他就系泰文；最欣赏既系佢地既心思，门口有好多植物，系个信箱下面系个花盆，远睇以为系另一盆盆栽，点知原来系俾人掉烟灰同烟头的！
我地两个人order左细既冬荫公汤$30、酿鸡翼两只$40 ($20@)、虾酱炒通菜$30、生虾6只$54 ($9@)，呢个系问佢既价钱，不过唔知点解埋单个阵收$160，不过都算好平。
第一个到既系冬荫公汤，本身唔太肚饿既我，一饮之后，都赞不绝口呢！以往饮开既，大部份都系得个辣字，无咩香味；但系呢都真系做到又香又辣呢！再加上入面既大头虾有膏之余，个虾身仲可以系爽口既！真系好难遇到呢几样都做得好既冬荫公汤呢！最令我难忘既系，饮完d汤之后先食只虾，发现有好多好似番茄茸既物体黏住系只虾上面，食落口先发现原来系虾子！我从来都未试过饮冬荫公汤会有虾子食，真系一试难忘呢！ 不过如果唔嗜辣既朋友就要谂谂，因为都几辣呢！
跟住系虾酱炒通菜，比想像中大碟，虾酱都好香口，几好。
再黎系酿鸡翼，呢个比想像中无咁好，同埋都几腻，所以食剩左一只，打左包拎走~
系咪好想知呢碟系咩黎呢﹖记得我头先所写既就知道，佢地系 ----- 生虾！无错，呢度既生虾系连埋个虾头炸左先俾你既！唔怪之得要最后先到啦！虾头食落口仲系超热呢！只只都有虾膏，绝不欺场呢！生虾本身做得几爽口，个酱汁辣而带香，如果可以系上面加片生蒜会更香口！ 不过同冬荫公一样，唔食得辣既人真系三思，我咁钟意食辣既人食到第三只都觉得好辣呢！
总括黎讲呢间野又近我，住系元朗或洪水桥附近、或者有车既朋友，值得一试呢！
张贴
