Rakuraku 樂拉麵 (康怡廣場北座) (已結業)

新开既拉面，真心希望好食，点知就出左事，真系唔明点解会做到咁。先讲环境，新舖头真系冇得衰，所以不谈了。服务上我见有部分服务员好生手下，冇所谓啦比下机会人，服务差既程况出现左系我一放低筷子，一放筷子就黎收我只碗，真系好唔礼貌，之后我一拿钱出黎就收我钱去柜台，其实佢系冇经我同意收我钱出柜台，严格来讲系抢劫！唔系赶客赶到咁呀，重要收我加一服务费，唔通加一既服务系赶我走？茶餐厅都未有你咁赶客，就算赶都好礼貌地，边有呢间野咁唔比面。讲返食物了，一落左单后我就倒杯水饮下，但一睇个水壶内块柠檬，好似比人摧残得好紧要，好呕心，拉面黎了卖相好普通，冇所谓，味道才是王道，先试汤，一饮完真系冇晒心机食，温度唔够重要有猪骨腥味，佢有冇想过可能温度唔够先会腥，就好似鱼汤一样，凉左会腥，同埋拉面送到客人上汤温系有学问，唔好咁过份唔该！面软硬度我选的是适中，但佢淋左，㨾唔开个面，一夹就一饼上黎，如果大家想食一饼上既拉面真系唔好错过，葱应该系日本葱，奇怪系冇葱味，只蛋就正常少少，只有叉烧系有少少心机做，不过话就话叉烧，但你当灸烧厚五花腩咁会好啲。我就唔会有下一次，大家会唔会有第一次就自己想清楚了。