寶哥味館 (已結業)

都系寒冷o既天气之下,谂亲食乜都总系想起打边炉㖞~但系又想食好o的㖞,听朋友讲又话哩间宝哥出名牛肉火锅,谂住不坊一试啦,本来佢个地方位置已经唔就脚嫁啦,两个人去到叫左个麻辣汤底,雪花肥牛肉粒,唔知咩羊肉,脆肉鲩鱼腩,浓味牛筋丸,唐心皮旦,金菇等左15分钟左右o的食物都黎左一半啦,个煲先至到,见煲左咁耐都未有动静见个盖好似未闩密咁,睇真o的原来个盖根本就已经变晒形...唔怪得咁耐都唔滚啦...一滚起我快快脆即刻就试o的牛肉睇下系咪真系咁得啦,点知...真系咬到我牙都紧呀...o的羊肉仲严重呀!未试过咁o既价钱竟然有咁o既质素啰...我谂全枱食物最好食就系个牛丸啰...如果系咁就唔应该系出名食牛肉火锅,而系出名食牛丸火锅啦...超令人失望~...后来见到话9点半后入坐有85折,我心谂唔系因为有折所以比o的咁o既料人地食挂...我都系无心9点半先去到嫁嘛!唉!折完之后都要$500左右,唔抵!