影片
更多
2011-03-14
95 浏览
我一行四人本来想去旧店食,但见门口企满人等位,所以走左去分店.去到门口见企左十几人以为有排等,点知一入去就即刻有位,可能佢地系等大枱挂.环境方面:比旧舖大,墙上贴满艺人既相片,装修就普通茶餐厅咁啦.咖哩牛腩完全唔觉辣,牛腩都几淋.但就少左份突出既地道风味.不过不失咁啦!清真并盘每样野上面都加左麻油,好野味,坏处就食落好似油左少少.但每样都好入味.唔会太咸. 个人比较喜欢牛展,牛肚同牛根片,由其牛根片食落去胶胶地滑滑地咁,口感唔错.正!小笼包够热,外皮厚度适中加上入面既鲜肉有好多肉汁.正!鸡丝冷面冻冻地,面条比较长加埋个底有好多麻酱,唔错!不过夹时要好小心,因面条长,酱汁好易弹到成身系.牛肉包食呢个要小心d热.个皮煎得好香,一咬开,哗!入面既鲜牛肉加上劲多既牛肉汁,可以当汤咁慢慢吮,好味!家乡煎饼我个人觉得煎㶶左少少,食落有少少㶶味,个心就软软地带少少咸味,用来点之前叫既咖哩牛腩个汁来食都唔错.唔知系唔系好肚饿既关系,样样都觉得好好味.需然人客源源不绝,但又唔会吹落单吹卖单,可以同朋友边讲边食都算系咁.价钱方面: 四个人加埋三百七,大家都食得好饱,都算合理.总括成餐都食得好开心,下次一定
环境方面:比旧舖大,墙上贴满艺人既相片,装修就普通茶餐厅咁啦.
咖哩牛腩完全唔觉辣,牛腩都几淋.但就少左份突出既地道风味.不过不失咁啦!
清真并盘每样野上面都加左麻油,好野味,坏处就食落好似油左少少.但每样都好入味.唔会太咸. 个人比较喜欢牛展,牛肚同牛根片,由其牛根片食落去胶胶地滑滑地咁,口感唔错.正!
小笼包够热,外皮厚度适中加上入面既鲜肉有好多肉汁.正!
鸡丝冷面冻冻地,面条比较长加埋个底有好多麻酱,唔错!不过夹时要好小心,因面条长,酱汁好易弹到成身系.
牛肉包食呢个要小心d热.个皮煎得好香,一咬开,哗!入面既鲜牛肉加上劲多既牛肉汁,可以当汤咁慢慢吮,好味!
家乡煎饼我个人觉得煎㶶左少少,食落有少少㶶味,个心就软软地带少少咸味,用来点之前叫既咖哩牛腩个汁来食都唔错.
唔知系唔系好肚饿既关系,样样都觉得好好味.需然人客源源不绝,但又唔会吹落单吹卖单,可以同朋友边讲边食都算系咁.
价钱方面: 四个人加埋三百七,大家都食得好饱,都算合理.
总括成餐都食得好开心,下次一定要试下旧店先得!!
张贴
