羅麥記 (已結業)

我从未试过每道菜食两啖就放低叫人收走而唔觉得浪费，因为啲食材俾佢哋咁搞法已经系一种浪费。叫个虾多士，块多士系淋嘅，即系一旧搽咗pat虾胶嘅面包；又叫个无骨海南鸡饭，个饭系白饭加咗啲类似蒜但无味嘅物体，鸡系白烚无味嘅；仲有个芝士猪颈肉捞丁，pat白色所谓嘅芝士同猪颈肉都系无味嘅；之后个咖哩虾饭稍为似系人食嘅嘢，但只有辣味，个咖哩应该只系用咖哩粉同水开出嚟嘅。整体成餐我觉得我好似系失去咗味觉，不过有样可取嘅系佢哋一定无落味精！坚持唔食味精嘅朋友不妨一试，不过你要预咗佢哋啲食物系连味都无。