影片
更多
2014-05-12
797 浏览
真系未试过食甜品食到咁嬲 - 不知所谓小妹平时唔写食评, 但今次既经历实在太不知所谓,我唔写都觉得对唔住自己！话说前一晚系openrice见到呢间新开既甜品店，又上埋openrice 头30名,见大家d食评又好似唔错咁,所以期待左成日后揾了朋友Q决定要一齐试下睇下有几好食!当日其实已经系黄雨，行到成身湿晒，一心谂住终于可以坐底食个痛快, 点知一坐底就同我地讲话冇雪糕。本来我觉得唔系大问题，但因为我同朋友Ｑ都唔食冰，剩番既选择原来系好少，再问清楚原来当日有既只系得番３样。。。一场黎到又落雨所以就逼于无奈地叫左个芒果糯米糍 ($38) + 芒果梳夫里 ($58)首先讲左个芒果糯米糍先:一客有四粒仲要系超级大粒,所以$38一客一D唔系贵! 不过咬落口好软林林, 完全冇糯米糍应有既烟韧感。 咬多几下觉得Ｄ芒果味越食越酸, 仲开始有ｄｄ苦。朋友Ｑ食完第一粒已经开始停晒手，非常失望。。跟住个梳夫里等左好耐（成２５分钟），本来觉得卖相都唔错，同埋又几香芒果味，以为谂住等耐左都抵，点知一放只匙羹入去已经"lai"野..发现入面系完全熟既.. 系人都知食梳夫里入面一定要软到入口即溶！个梳夫里唔单之系熟晒
小妹平时唔写食评, 但今次既经历实在太不知所谓,我唔写都觉得对唔住自己！
话说前一晚系openrice见到呢间新开既甜品店，又上埋openrice 头30名,见大家d食评又好似唔错咁,所以期待左成日后揾了朋友Q决定要一齐试下睇下有几好食!
当日其实已经系黄雨，行到成身湿晒，一心谂住终于可以坐底食个痛快, 点知一坐底就同我地讲话冇雪糕。本来我觉得唔系大问题，但因为我同朋友Ｑ都唔食冰，剩番既选择原来系好少，再问清楚原来当日有既只系得番３样。。。一场黎到又落雨所以就逼于无奈地叫左个芒果糯米糍 ($38) + 芒果梳夫里 ($58)
首先讲左个芒果糯米糍先:
一客有四粒仲要系超级大粒,所以$38一客一D唔系贵! 不过咬落口好软林林, 完全冇糯米糍应有既烟韧感。 咬多几下觉得Ｄ芒果味越食越酸, 仲开始有ｄｄ苦。朋友Ｑ食完第一粒已经开始停晒手，非常失望。。
跟住个梳夫里等左好耐（成２５分钟），本来觉得卖相都唔错，同埋又几香芒果味，以为谂住等耐左都抵，点知一放只匙羹入去已经"lai"野..发现入面系完全熟既..
系人都知食梳夫里入面一定要软到入口即溶！个梳夫里唔单之系熟晒仲要成个都脆脆地，我再攞番只匙羹出黎既时候仲要见到成个梳夫里系痴住只羹,咁你应该已经想像到个梳夫里有到底有几熟..不过..佢熟晒都佢好食之处既。只少佢系脆得黎有芒果的香味, 味道其实唔差，不过梳夫里真系唔应该系咁既口感／味道.. 仲要收人$58一个,你话我点唔发火!
可能因为我唔系食呢度出名既雪花冰，所以我对今次既经历好失望..就算你咩原因冇雪糕卖都好,只少都应该同顾客解释, 服务态度好Ｄ我都唔会咁嬲，而唔系hea答, 呢样又冇个样又冇, 好似唔想做你生意咁..唉..难Ｄ会再帮衬
张贴
