木衛二鑄茶所 (The Eastmark) (已結業)

新商场The Eastmark开咗几间铺头，一心谂住同同事lunch试新嘢，结果拣咗木卫二铸茶所。装修环境没有问题，阳光充足，感觉舒服。依间嘢系自助形式买饭，全店卖蒸饭、炖汤同台式饮品。因为减肥原因就拣左全素的虫草花杞子猴头茹蒸饭 ($42)。店员叫号码取蒸饭，一攞上手就，睇卖相已见不祥，虽然是刚蒸出来，但食材上面凝固住一层厚厚的芡汁，卖相欠佳。之后夹起𩠌菜全完「张实」，夹都夹唔起，过份！至于味道，虫草花杞子猴头茹完全没有味不止，仲要苦！我食咁多年lunch，都好难揾到一个咁难食的蒸饭。再讲，白饭系硬架！！！！，应该没有油份一同蒸的关系，白饭硬及干！最重要价钱唔系平！每日咁辛苦返工都系为咗食，俾D咁难食的蒸饭俾客，好唔好意思架~！我食完出来讲过「无下次」！九龙湾常悦道21号The Eastmark1楼5号舖