影片
更多
2012-08-07
152 浏览
富豪香港酒店内嘅御花园咖啡室，虽然餐厅名字叫「御花园」，花园嘅感觉就无乜，但天花镶嵌咗几组大型工艺美术嘅彩绘玻璃，加上楼底又高，倒有一股气派，再者，入口位有专人钢琴演奏，悠扬乐韵嘅环境下，又多添几分优雅。踏入暑假，餐厅以主题《招牌‧海鲜极级自助晚餐》仍为招徕，加上最近系「伦奥」，大厨为响应此盛事，特别加插数款英伦美食，同大家「味游英伦」，不过英伦美食只系做到12/8啫！能够藉今次饮食网站及酒店所搞嘅试食会，可一尝餐厅嘅招牌美食、海鲜食品、特色英伦菜式，真系大饱口福。故此，多谢有关单位及酒店嘅款待，令小弟有个饱足到深夜嘅晚上，唔使食宵夜可以继续追睇伦奥！未拎嘢食，就梗系先游一游「花园」，所有自助餐食物集中于餐厅中间位置，头尾都系用餐区。款式都几包罗万有，当然，又唔系小林尊上身，点食得晒过百款嘢丫，既冲著主题美食而嚟，就自不然游击战，重点出击。之不过，话虽如此，有两样嘢系我食开自助餐必食嘅，仲系一头一尾添，一系沙律，二系甜品。超级酱汁沙律吧沙律吧配料有近30款：罗马生菜、红椰菜、翡翠苗、黑橄榄、鸡心豆、红菜头、烟肉碎……真系记唔晒咁多，令小弟最深刻系竟然有成8款酱汁：千岛、凯撒……大路嘅唔
踏入暑假，餐厅以主题《招牌‧海鲜极级自助晚餐》仍为招徕，加上最近系「伦奥」，大厨为响应此盛事，特别加插数款英伦美食，同大家「味游英伦」，不过英伦美食只系做到12/8啫！能够藉今次饮食网站及酒店所搞嘅试食会，可一尝餐厅嘅招牌美食、海鲜食品、特色英伦菜式，真系大饱口福。故此，多谢有关单位及酒店嘅款待，令小弟有个饱足到深夜嘅晚上，唔使食宵夜可以继续追睇伦奥！
未拎嘢食，就梗系先游一游「花园」，所有自助餐食物集中于餐厅中间位置，头尾都系用餐区。款式都几包罗万有，当然，又唔系小林尊上身，点食得晒过百款嘢丫，既冲著主题美食而嚟，就自不然游击战，重点出击。之不过，话虽如此，有两样嘢系我食开自助餐必食嘅，仲系一头一尾添，一系沙律，二系甜品。
超级酱汁沙律吧
沙律吧配料有近30款：罗马生菜、红椰菜、翡翠苗、黑橄榄、鸡心豆、红菜头、烟肉碎……真系记唔晒咁多，令小弟最深刻系竟然有成8款酱汁：千岛、凯撒……大路嘅唔讲，较特别有芒果酱汁、蓝芝士沙律汁、芥茉籽沙律汁、陈年黑醋沙律汁……等等。拣好多款沙律菜、车厘茄、红腰豆、黑橄榄、鸡心豆、红菜头、芝士粉后，主打配上3款酱：芒果酱汁、蓝芝士沙律汁、芥茉籽沙律汁。各项沙律配料几鲜爽，由于所以配料都系以小筒冰镇住，流量快又够冻，好似沙律菜咁，咬落「索索声」，而3款酱汁真系各有千秋，芒果酱汁芒果味劲浓鲜活，蓝芝士沙律汁咸香浓郁，而芥茉籽沙律汁微辣醒神。净食沙律可能有啲「寡」，所以有时我会配冷盘，如肉肠、烟三文；但有时又会配海鲜，为一试今晚主题，就拣配海鲜。
海鲜地带海鲜有阿拉斯加蟹脚、冻花蟹、冻甜虾、青口、蓝贝青口、翡翠螺、濑尿虾，阵容都唔弱，不过质素有啲参差。阿拉斯加蟹脚拆出啖啖肉，不过一只咸鲜，肉质甜美，但另一只出现肉质「霉霉哋」嘅情况；冻花蟹、濑尿虾嫌烦就无试喇，甜虾就几唔错，虽然唔系超爽弹，但虾味鲜甜。如何有生蚝嘅话，可能会对海鲜一环抢攻啲！
咯嗲双子星分别系龙虾蟹子酿芒果、鲜虾配热情果沙沙酱，系是晚招牌推介，放晌冷盘附近，以鸡尾酒杯一杯一杯摆出嚟，而且卖相做得几精致。前者系龙虾、蟹子、芒果、青瓜丝嘅组合，龙虾肉唔多，芒果变咗系主角，果味带微酸，夏日醒胃小食；后者较得我欢心，鲜虾肉起双飞，配上热情果、芒果粒粒做嘅酱，底下垫有红色、黄色车厘茄，味道清新！
饮碗汤食个包一轮沙律、海鲜、前菜，系时候餐汤餐包环节。御花园提供两款餐汤：龙虾汤、𫠒鱼莲藕煲唐排，打个煲盖，中汤汤面泛出点点油光，所以就拣饮西汤。龙虾汤味道几浓郁，质感柔滑，想食点龙虾肉就要捞捞底喇，水准唔错。餐汤侧边就系小型面包柜，放有6-7款迷你个装包，不过麻麻哋。除了以面包伴汤，仲揾嚟主厨推介嘅烟肉焗生蚝及带子，同埋煎鹅肝多士，生蚝就比较细只咗，但大大只带子颇有睇头，以烟肉、芝士烤焗，自然滋味啦；而鹅肝多士加点陈醋，唔单只无咁漏，仲多份醇香。
味游英伦跟住就试一试加映分题「味游英伦」，分别有烧牛肉配约克布甸、威灵顿牛扒、甘笋牛柳、烟肉焗生蚝、英式牛肉牛腰批、爱尔兰炖什烩、薯蓉肉酱批、炸鱼伴薯条，轮流登场，全部名牌以彩色米字旗为底纸，好易认出边啲系英伦菜式。烟肉焗生蚝上一碟食咗，今回就拣咗后四者，竟然最好食系炸鱼伴薯条，不愧最英式地道美食；而薯蓉肉酱批因为过咸，所以最唔好食。还有，加多一小份主厨推介嘅招牌菜酥皮焗三文鱼，三文鱼加菠菜蓉包酥皮焗，外层酥皮自然香脆，内里三文鱼油润肉嫩，菠菜蓉增添味道层次，加点自家配制香草酱汁，值得一试嘅菜式。
因为仲要留肚晌自助餐必食嘅甜品，走向我嘅不甜无归之路，所以几款招牌嘢如火焰寿司、中东烤肉串、印度天多里烤肉就无试，其他垫肚嘢如即煮粉面就更不用多提。火焰雪山骚
招牌甜品火焰雪山同即制梳乎厘，岂会错过。首先登场系火焰雪山，酒店为隆重其事，特别为我哋预备咗个火焰雪山即席表演，淋上冧酒，点火，诱出蓝蓝火光，可惜现场环境比较光，「火焰」效果大打折扣，依家嘢都系最好晌啲浪漫气氛嘅餐厅，昏昏暗下搞就最有睇头。旧时啲人叫依个甜品做「焗雪山」，老派嘢，中间仲会用红黑白三色雪糕，今晚依个就以云喱拿雪糕做心，包海绵蛋糕。有人问做法系点，究竟点样整完个火焰雪山啲雪糕仲可以咁冻？外面层蛋白系咪要焗一焗？当时就乜都唔记得晒喇，但睇番小弟晌十多年前晌工联会学过嘅讲义，先记番起系以海绵蛋糕垫底，围边，加雪糕，再以海绵蛋糕冚番个面，咁就变成海绵蛋糕包实啲雪糕，不过窍妙系做好依个工序后要入雪柜雪硬，等到有落单，先拎出嚟晌外层唧上已打起嘅蛋白，再入炉以大面火（唔要底火）焗到蛋白金黄上色就可以出炉，所以食起嚟蛋白香脆，海绵蛋糕回软，雪糕仍要冰冻，又好有酒香！系一道好有心思嘅甜品。
即制梳乎厘有多款口味，有姜味、柠檬味，都系口感轻盈嘅甜品，而酒店又特别做咗一款别注版，香蕉朱古力梳乎厘，因为系以香蕉果肉做，唔系靠香精，香蕉味很浓郁，内里又有点点朱古力粒，不过，代价系整个梳乎厘成份变得重身，无咗梳乎厘𠮶重轻盈质感，放唔得耐就已经塌番落嚟，而且口感较湿润，变得似香蕉蛋糕多过梳乎厘。
抢手法式马卡龙（杏仁饼）非常抢手，我晏咗去，已经睇到所余无几，有幸试到多款口味都系多谢对坐嘅另一位食家。酒店本身设有饼店，临走所见一粒马卡龙标价$18，数数手指我都前前后后食咗6粒，都成旧水喇！原本小弟无机会食咁多，同枱另外3位食家对太甜嘅嘢都受不了，我依啲嗜甜鬼见愁，无有怕㖞，加上马卡龙黏黏湿湿嘅口感，又唔系个个人都啱，造就小弟多啲嚟就密啲手！杏仁饼味道几多元化，有朱古力、开心果、腰果、红桑子、榛子、绿茶……一下子都记唔得晒。
抢滩咗3款甜品，食番啲雪糕同生果间一间场，雪糕系Dreyer’s，共有四款味道，朱古力碎碎（名牌搞错系薄荷朱古力）、杏仁、云呢拿、士多啤梨，拣嚟3球，加埋杏仁片、朱古力针大手入货，再配雪米糍、蜜瓜、鲜菠萝，淋上朱古力浆，加几片芝士，系一个颇别出心裁嘅组合。甜品拼盘大放送
作为最后冲刺，一份私已甜品大拼盘走唔甩！其实整晚嘅甜品款式轮流出场，临尾有啲无再出都试唔到。不过，一口气都拣咗8款甜品，有芒果布甸、朱古力蛋糕、木糠蛋糕、芒果拿破仑、桂花糕、斑尼士（有人嫌硬，其实佢质感本身就系较挺实）、黑加仑子啫喱（缅怀儿时味道）、蜜瓜奶冻，整体不俗。只系可惜有个主厨推介嘅香蕉朱古力卷，都无机会试，仲有绿茶红豆蛋糕、焦糖吉士蛋糕……等等！
综观整晚食物，有高有低，主题海鲜方面，有啲失望，英伦美食好坏参半，而招牌菜式，偶有惊喜。其实依家食餐自助晚餐真系唔平，闲闲哋动辄四、五百落楼。依家御花园做紧成人价$408（一至四）、$438（五六日及公众假），加埋一都咪话唔贵，不过狮子银行嘅信用卡做紧65折，平日计变咗三百头，还算系有啲吸引度。张贴
