影片
更多
2022-11-01
2361 浏览
同姨仔食完庆生饭无耐，又因事约出嚟聚一聚，就佢是日晌荔枝角有行程，摷吓摷吓就揾到呢一家素食店「Cafe Imagine」，单睇店名，真喺完全估佢唔到喺间纯素嘅素食店。 店家所处嘅位置对好多人嚟讲有少少僻，但小弟反而好熟，因为有唔少亲戚都居于顺宁道一带。走进餐厅，地方唔大，目测所见，廿个位多少少，装修简约，但胜在企理。店员都好有礼，但唔知喺咪人手少，感觉有少少踢脚。 餐牌就主要有两面，一面喺散点嘅菜式，有自家制纯素手工小食、纯素Fusion主食及特调饮品，唔收加一；另一面餐牌就有几定食套餐，即喺多杯桂花茶。台湾金针蒸淆玉球 $45睇见啲小食好似几特别，所以，老婆就话点款嚟试试，结果拣咗好似山竹牛肉球咁，不过就用咗台湾嘅金针花代替马蹄，再加新猪肉做成嘅淆玉球。卖相有啲麻麻哋，口感都OK，打得松化，啲「猪肉」，但味道好似有啲问题，3个人食，有2个觉得有少少酸味，唔知喺有啲食材变咗，定喺源自啲金针花，总之，事后无人肚痛就当无事啦。 韩式粉丝定食 $78韩式粉丝炒得似模似样，睇到有几多材料，豆腐干呀、菠菜呀、灯笼椒呀、木耳丝呀……等等，仲撒上好多芝麻。而粉丝几滑身，但又有少少柔韧感，口感确喺不俗
店家所处嘅位置对好多人嚟讲有少少僻，但小弟反而好熟，因为有唔少亲戚都居于顺宁道一带。走进餐厅，地方唔大，目测所见，廿个位多少少，装修简约，但胜在企理。店员都好有礼，但唔知喺咪人手少，感觉有少少踢脚。
餐牌就主要有两面，一面喺散点嘅菜式，有自家制纯素手工小食、纯素Fusion主食及特调饮品，唔收加一；另一面餐牌就有几定食套餐，即喺多杯桂花茶。
台湾金针蒸淆玉球 $45睇见啲小食好似几特别，所以，老婆就话点款嚟试试，结果拣咗好似山竹牛肉球咁，不过就用咗台湾嘅金针花代替马蹄，再加新猪肉做成嘅淆玉球。卖相有啲麻麻哋，口感都OK，打得松化，啲「猪肉」，但味道好似有啲问题，3个人食，有2个觉得有少少酸味，唔知喺有啲食材变咗，定喺源自啲金针花，总之，事后无人肚痛就当无事啦。
韩式粉丝定食 $78韩式粉丝炒得似模似样，睇到有几多材料，豆腐干呀、菠菜呀、灯笼椒呀、木耳丝呀……等等，仲撒上好多芝麻。而粉丝几滑身，但又有少少柔韧感，口感确喺不俗，喺是夜比较满意嘅菜式。
自家制泡菜叉烧印度米炒饭 $88炒饭就食得多，但系用印度米嚟炒饭都几敢肯定喺第一次啦，感觉有啲特别，所以先点嚟试试。个饭可以可拣茄汁或沙茶酱炒，小弟就拣后者，不过，整体都唔喺好觉有咩沙茶酱味，而素叉烧切得细碎，食落唔喺好觉咁，较多嘅喺泡菜，比一般食开嘅泡菜无咁辣，整体嚟讲，都喺好普通一个炒饭咁，所以确喺有少少失望。
纯素Omakase $138姨仔拣呢一款纯素「厨师发办」，唔好睇个名以为同寿司有关系，其实喺完全无关，实际上你可以当喺一般定食，只喺𩠌菜由厨师安排无得拣，所以，见到一大兜𩠌菜配上白饭、前菜同桂花茶，当喺个6、7𩠌饭咁啦，但最奇怪嘅系唔知点解摆咗啲杏脯干。讲真，食味OK嘅，但觉得唔夹啰，姨仔亦唔钟意啲桂花茶咁冲法，饮落一口桂花粒，有少少巉咀。
依家好流行食素，其实食素在我嚟讲都喺清清哋，想食得健康啲。不过，佢哋啲素菜菜式部份可以讲喺特别啲，但又有啲古怪，整体感觉我自己个人嚟讲就一般般而已！
张贴
