你妳 (已結業)

好耐之前食过荃湾总店之后竟然见到屋企附近开咗！立即去试吓呢间店嘅水准，个三文治仍然都系咁好食！所以第一时间要介绍吓个三文治先，佢系芋泥加肉松，又甜又咸你可能会觉得好奇怪，但系肉松又行行吓都会有一啲甜味走出嚟，同芋泥好夹，而且佢个三文治个包煎到外边脆脆感，口感非常好。另外估唔到佢细细间都有提供咸食，不过就只做外卖，叫咗个小食，入边有甜不辣同番薯条，炸嘢都几出色。讲到台式小食当然唔少得芋泥仙草冻啦！佢个仙草超级滑溜，而且整体唔算太甜，我觉得如果可以加埋黑糖冰就更加好。最令人惊喜嘅就系佢个门口有个好似多啦A梦随意门咁嘅粉红色大门俾大家打卡影相，非常贴心。