影片
更多
2023-02-02
486 浏览
话说见到最差嘅评语都只系话上餐慢，咁食物味道应该ok啦，见唔赶时间，就去试下。一入嚟，有个戴眼镜+高嘅女同事叫我坐门口，心谂入面大把位，点解唔坐得入面，喺我想出声之前，有个男同事带咗我去坐入面。叫完餐，大约5分钟左右，食物就到咗。（可能餐厅管理层有留意comment，改善咗）泰式香茅烧鸡扒红咖哩 配椰香饭呢个真心出色，同埋意外嘅系厨师将香茅包咗喺鸡扒入面，件鸡扒好入味，但美中不足系鸡扒唔够热同埋少少「鞋口」（所以我估出餐「慢」的不是厨房，好大机会系楼面人手不足？虽然骤眼看，人数上就唔觉不足嘅，可能系同事忙梗嘅嘢，唔系送餐，而系收碟，催埋单？）讲返呢碟食物，红咖哩够辣又唔会过辣，椰香饭粒粒分别又有「椰」味，厨师技术真系值得一赞！另外，值得留意嘅系份量，「大食」嘅朋友可能会唔够饱。然后，去到跟餐小食，就出事了。咸蛋薯条大约等多5分钟左右，就见到。期间听到左右两边嘅枱都话等咗好耐，然后嚟到都话唔够热，系「暖」嘅。咁我都冇咩期望。嚟到，系热嘅，有少少惊喜！赞嘅系味道，真系好重咸蛋味，又要赞一次厨师嘅手势！但不幸嘅系，薯条似系微波炉/翻炸过，个外皮咬落去一d都唔脆，浪费咗薯条嘅味道。𠮶头食完薯条
一入嚟，有个戴眼镜+高嘅女同事叫我坐门口，心谂入面大把位，点解唔坐得入面，喺我想出声之前，有个男同事带咗我去坐入面。
叫完餐，大约5分钟左右，食物就到咗。
（可能餐厅管理层有留意comment，改善咗）
泰式香茅烧鸡扒红咖哩 配椰香饭（午餐）
$88
21 浏览
0 赞好
0 留言
泰式香茅烧鸡扒红咖哩 配椰香饭
呢个真心出色，同埋意外嘅系厨师将香茅包咗喺鸡扒入面，件鸡扒好入味，但美中不足系鸡扒唔够热同埋少少「鞋口」（所以我估出餐「慢」的不是厨房，好大机会系楼面人手不足？虽然骤眼看，人数上就唔觉不足嘅，可能系同事忙梗嘅嘢，唔系送餐，而系收碟，催埋单？）
讲返呢碟食物，红咖哩够辣又唔会过辣，椰香饭粒粒分别又有「椰」味，厨师技术真系值得一赞！
另外，值得留意嘅系份量，「大食」嘅朋友可能会唔够饱。
然后，去到跟餐小食，就出事了。
咸蛋薯条（跟午餐）
14 浏览
0 赞好
0 留言
咸蛋薯条
大约等多5分钟左右，就见到。期间听到左右两边嘅枱都话等咗好耐，然后嚟到都话唔够热，系「暖」嘅。咁我都冇咩期望。
嚟到，系热嘅，有少少惊喜！
赞嘅系味道，真系好重咸蛋味，又要赞一次厨师嘅手势！
但不幸嘅系，薯条似系微波炉/翻炸过，个外皮咬落去一d都唔脆，浪费咗薯条嘅味道。
𠮶头食完薯条，问同事拎牙签，张单就嚟了。
首先，𠮶阵时我只系坐低咗30分钟。隔离枱早过我坐低（我嚟𠮶阵佢地已经食梗），食完坐喺度倾计都未有单，𠮶个戴眼镜+高嘅女同事就拎咗张单放低，咩都冇讲就走咗。
我问另一个侍应：我可唔可以饮埋杯饮品先埋单？（𠮶时杯饮品系满嘅，同埋饮品要加$8）
男侍应话：可以，惊一阵间埋单人多会等好耐，所以拎定张单过嚟。
咁好啦，我继续饮啦，饮完先比钱。
点知同一个戴眼镜+高嘅女同事又走咗过嚟，睇下我比咗钱未，而冇去叫我隔离枱仲倾梗计𠮶2个人埋单….咩事呀？因为佢地「未加」饮品，觉得仲可以做佢地生意？咁我呢？我唔可以再加小食吗？
我尝试睇下佢叫咩名，但佢地冇名牌。可能系新嚟？但咁样做系唔系等于赶客？虽然我唔系咩大客，但加埋一都食咗超过$100。
跟住佢睇完张单，又行开咗。
隔咗无几耐，有个男侍应终于拎住张单去我隔离枱问佢地「介唔介意埋咗张单？」
（我心谂点解做法差咁远嘅）
隔离枱走咗，个男侍应就走嚟望下我张单。（当时我仲有20-30%未饮完）
一杯柠檬茶嘅时间，原来咁「长」，要劳烦咁多人走过嚟「服务」我。
我忍唔住问：我可唔可以饮埋先比钱？其实宜家系唔系要赶我走呢？
男侍应话：唔系，我只系以为入面有钱，我宜家帮你收返张单先。
其实，你只要比多一分钟我，我就饮完比钱，何必要劳动咁多人力资源去「提醒」一个人埋单，而忽略咗其他客人嘅需求呢？一个人食完就走架啦，点解要咁？唔怪得侍应们好似「做唔切」咁。
最后，由返𠮶个戴眼镜+高嘅女同事拎返张单过嚟。其实都唔使等，只系几秒就拎咗过嚟。
我了解繁忙时间，都未必想外面嘅客等太耐。
如果一开始个女同事直接讲：唔好意思，外面都人多等梗，介唔介意埋咗张单先？
我会欣然接受。
但系佢就咁放低张单再走咗去，我真心觉得很不爽，同埋有「比人赶走」嘅感觉。
如果管理人员真系有留意comment，希望可以善用资源。另外，温馨提示𠮶位同事，如果咁唔钟意「对客」，可以寻找返更合适嘅工作。
希望有缘再临，或者其他客人，唔会再遇到我上述嘅经历。谢谢。
张贴
