影片
更多
2021-05-02
1103 浏览
疫情之下连澳门都去唔到，今日便去「咪走鸡」葡国餐厅，想食非洲鸡。之前未去过，都系见尖沙咀地点方便。下午三点几去到，餐厅只有一枱四人客。我哋坐咗一张合并的四人枱。个侍应都好nice,，话随便坐，晚餐时段前还枱便可以。那时未够四点，我哋一定唔会坐到六点，一定冇问题。坐低叫左两杯house wine、炸马介休球、盐烧沙甸鱼、同埋非洲鸡。House wine 红酒两杯好快上台，果位侍应好醒目咁话：「我特登开咗支全新嘅酒比你哋，如果啱饮，可以成支上，因为两杯都$100, 成支也$200而已。」我哋其实饮唔到一支，但见佢咁热诚又开咗支新酒，就叫佢成支攞上嚟，大家开心咪好啰！个侍应又呈上一张折扣coupon, 「咪走鸡」对面间酒舖都系佢哋嘅，话买葡萄牙酒有九折云云。食物来了，不过不失，但非洲鸡是「干」的，唔系澳门「木偶」或「亨利美心」有酱汁的「湿」非洲鸡，有啲失望。但唔紧要，心情好食物便好吃。就在快要食完之际，突然冒出另一个女侍应（可能高级啲）同我哋讲，话要移走我哋右边半张枱（因二合一），当时果「半」张枱仲放住支红酒、水、碟。当时还未到五点，仲差五分钟左右！老实讲，从来未试过食食吓，会冇咗半张枱啰！
坐低叫左两杯house wine、炸马介休球、盐烧沙甸鱼、同埋非洲鸡。House wine 红酒两杯好快上台，果位侍应好醒目咁话：「我特登开咗支全新嘅酒比你哋，如果啱饮，可以成支上，因为两杯都$100, 成支也$200而已。」我哋其实饮唔到一支，但见佢咁热诚又开咗支新酒，就叫佢成支攞上嚟，大家开心咪好啰！个侍应又呈上一张折扣coupon, 「咪走鸡」对面间酒舖都系佢哋嘅，话买葡萄牙酒有九折云云。
食物来了，不过不失，但非洲鸡是「干」的，唔系澳门「木偶」或「亨利美心」有酱汁的「湿」非洲鸡，有啲失望。但唔紧要，心情好食物便好吃。就在快要食完之际，突然冒出另一个女侍应（可能高级啲）同我哋讲，话要移走我哋右边半张枱（因二合一），当时果「半」张枱仲放住支红酒、水、碟。当时还未到五点，仲差五分钟左右！
老实讲，从来未试过食食吓，会冇咗半张枱啰！我同佢讲，我哋都未食完，你唔可以收其他枱咩？根本未到五点冇客！佢坚持，仲话移走右边𠮶半将枱后，可以在左边并另外半张比我哋！我哋真系O哂嘴！
结果佢都冇落手收右边半张枱，因为我哋已经失去兴趣，木槺布甸都唔想食，埋单走人。这时侯刚刚过五点，有一组walk in 客入嚟。呢个女侍应大大声同客人讲：「今晚dinner 已经full 咗，但如果你哋现在入坐，5:45 pm 还枱是可以的！」
我哋二人你眼望我眼：「咁点解要喺我哋未食完就拎走半张枱！」
其实食嘢、买嘢都真系讲心情，任你食物识飞，这样赶客的态度，也不会再帮衬。何况食物也只是一般不过不失。第一位侍应都真系几好，十分亲切，可惜前功尽废，莫非果位似supervisor 嘅侍应是「卧底」，专门赶客等冇repeated customers帮衬？
霹雳非洲烧鸡
$198
18 浏览
0 赞好
0 留言
海盐烤沙甸鱼
$78
13 浏览
0 赞好
0 留言
炸马介休球
$65
21 浏览
0 赞好
0 留言
张贴
