新森林焗之專門店 (已結業)

夜晚八点见隔离间铺头好多人排队，呢间野冇乜人，个人懒就走咗入嚟食，两个人坐两人枱，落完单，个应该系老板嘅阿叔系都要我地转去入面张枱，而𠮶张枱系有个柜系头顶会顶到个头，我哋唔转，就叫我将我哋嘅袋摆好啲，我哋都照做，但系佢可能嫌我哋都系摆得唔好，就叫我地再调位重点系已经八点几佢间野系冇乜人，做乜要我调黎调去？而就算调咗，佢𠮶度前后枱之间条那隙系冇办法坐到两枱人背对背坐，根本帮唔到佢坐多啲客而重点中嘅重点，系我系一个已经有左七个月嘅大肚婆，做乜要个大肚婆调来调去？人哋唔肯都仲要逼人讲黎讲去佢都要我调位，而且语气好差今次我快过我老公发脾气我就话：得啦我去第二间食啦！起身就走阿叔就话：俾张四人枱你都唔满意我：唔使啦唔该阿叔：已经落左单咁点算其实张单都未比厨房，你系咪撕咗张单啰我走咗你咪大把位俾你嚟紧啲客坐啰，如果有客嘅话唔好意思，未食我已经走咗喇，话唔到俾大家听啲嘢好唔好食