棋哥燒鵝餐室

营业中

休息中

都预咗平时啲平民餐厅侍应未必好有礼貌，以往都唔会因为服务态度问题留言。但今日真系不吐不快。平时揾食除咗正评我都会睇埋负评，而家完全明白之前负评既巴丝，非常认同「服务九流」冇形容错（最尾系冇食到任何野）。今日特登同老婆嚟天后呢间餐厅食下午茶试吓佢啲烧鹅，谂住呢个时间会少啲人坐得舒服啲，点知一入到间餐厅谂住坐低，个侍应已经好唔好态度咁叫我哋「喂，量体温先！」，就算唔记得都唔使咁差态度⋯咁我哋之后谂住举手落单（冇出过声净系举手），点知个楼面阿姐喺远距离话「放底手啦唔好催，楼面唔够人手呀！」（态度真系差）其实系下午茶时间楼面坐到一半人都冇，铺面又唔系大又有三个阿姐落单，佢竟然话唔够人手，重点系其实我只系举手冇催过佢，所以我哋就回佢一句「我举手咋㖞冇催过你」，跟住佢就行晒成个铺面同其他客落单（包括迟过我哋嚟坐低𠮶啲）都唔同我哋落单，咁嘅环境仲叫我点样食？免得一阵叫佢过嚟攞单又话我催佢，所以我哋都系决定起身走，我最终都冇食过，所以真系唔知道啲嘢好唔好食。