唯一雲貴川風味 (已結業)

平时经过成日都见到好多人企系门口，以为味到会几好。今日早左食饭决定去试下，点知一般般。我地两个人，入到去其实有好多位，但几乎全部都系打斜对面斜对面咁坐所以对我地两个人黎讲变左无位。门口旁边有张枱因为墙既设计关系，其实得3.5个位，而已经坐左一个客、一个店员系道处理文件，所以唔系好坐到。结果唯有店员企身我地先有位。睇到个餐牌都几失望，选择唔系特别多之余仲要有几样都无，结果我就试左个鸡肉云吞鱼蛋唔辣红薯粉，想同谭仔同川味比较一下。碗面既卖相就一般般，味道都系一般般，鸡肉就唔及谭仔既鲜嫩，云吞就相当普通。平时见到咁多人食，但咁既质素都几失望。而姐姐既服务态度就都算几差，完全唔愁无客既态度。