影片
更多
2009-08-07
80 浏览
都唔知几多年无食过东宝, 原因系人多难订位仲有佢地真系几寸, 近呢年听番东宝已经无咁难订位, 原因系已经无咁好食, 又或者系坊间开始有更多好味的小菜馆。是夜farewell同事, 搞手就拣左北角的东宝, 为左方便系订位时已经叫左佢比较出名既小菜和预留甜品, 可惜我都系食唔到蓝莓芝士蛋糕。芥辣鱿鱼 - 有芥辣味系少左咸味, 呢个OK。南乳炸猪手 - 炸起热辣辣, 味道唔错, 唔太咸用来跟酒饮好正, 猪手亦都唔肥唔会有油腻感。鸭汁荷叶饭 - 呢个都系OK之作, 系无乜荷叶香, 饭唔腍唔会因为蒸完之后食糊仔既感觉。风沙鸡一只 - 呢个无得拣, 始终香港系用冰鲜鸡, 想有鸡味真系几难, 但好在鸡肉唔"鞋" (包括鸡胸啦) 唔错, 呢味鸡无走样~。豉椒炒蛏子 - 细蛏子每只$28, 叫左6只, 肉唔太多, 镬气唔够都几重豆豉味, 系少左.....蛏子的海鲜味。虾酱通菜煲 - 都系OK唔错, 唔太特别。黄金虾 - 呢味虾人多食就叫抵食, 人少食就真系叫贵, 虾系海中虾但系要$16一两, 我地10个人叫一斤, 够食二百几蚊, 算唔错, 但无惊喜。鱼汤浸菜心 - 唔知点解我觉得鱼汤应该浸娃娃菜或者苋菜
芥辣鱿鱼 - 有芥辣味系少左咸味, 呢个OK。
南乳炸猪手 - 炸起热辣辣, 味道唔错, 唔太咸用来跟酒饮好正, 猪手亦都唔肥唔会有油腻感。
鸭汁荷叶饭 - 呢个都系OK之作, 系无乜荷叶香, 饭唔腍唔会因为蒸完之后食糊仔既感觉。
风沙鸡一只 - 呢个无得拣, 始终香港系用冰鲜鸡, 想有鸡味真系几难, 但好在鸡肉唔"鞋" (包括鸡胸啦) 唔错, 呢味鸡无走样~。
豉椒炒蛏子 - 细蛏子每只$28, 叫左6只, 肉唔太多, 镬气唔够都几重豆豉味, 系少左.....蛏子的海鲜味。
虾酱通菜煲 - 都系OK唔错, 唔太特别。
黄金虾 - 呢味虾人多食就叫抵食, 人少食就真系叫贵, 虾系海中虾但系要$16一两, 我地10个人叫一斤, 够食二百几蚊, 算唔错, 但无惊喜。
鱼汤浸菜心 - 唔知点解我觉得鱼汤应该浸娃娃菜或者苋菜, 呢样好似有D格格不入, 但鱼汤味道唔错。
牛仔骨生菜包 - 其实我唔太清楚系唔系呢个名, 不过系唔系呢个名已经唔重要, 因为唔好食, 佢入面加左香茅做香料, 但唔夹牛肉味, 严格来讲系抢哂成碟菜既味, 而且入面沙葛粒比牛肉更多, 呢个菜失败。
真系数唔出有几多N年无去东宝食, 以一间系市政大楼的熟食来讲, 佢既收费系贵, 我地亦唔系食左D咩贵价食物, 打电话预留芝士饼时明明话有蓝莓, 柠檬, 芒果, 仲话每样味留1/4比我, 点知出现系只得柠檬和芒果, 系有失望感既, 但芝士饼总好过佢送既另一款汤水姜汁凉粉好食, 我地一嗅完D凉粉, 真系有D觉得似....跌打的薄荷膏味.....呢D全属个人口感, 但在坐有半数以上都唔想食。
张贴
