法國飯店

营业中

休息中

难得入屯门揾朋友，紧系去埋黄金海岸游水玩沙啦，但入面冇乜餐厅，好彩我地拣左呢间法国饭店，虽然价钱贵小小，但真系有返咁上下水准，好味嘅。黑松露野菌汤十分足料，黑松露嘅香味十分之突出，而饮落亦有粒粒口感嘅蘑菇，令到口感更加丰富，无论系菇味定系黑松露味道好正。我地拣左个鲜虾牛油果水牛芝士沙律做前菜，水牛芝士令到大虾更加惹味，而且又唔会太咸，再加埋牛油果同沙律菜将芝士味中和得岩岩好，唔邪恶仲够哂健康。而主食古法烧西班牙猪腩仔配蜜糖香桃汁都好食，因为猪腩仔本身怕成块都系肥肉好肥腻，但佢呢个肥瘦比例岩岩好，再配蜜糖香桃汁酸酸甜甜都几好味。