台食館 (獨立大廈)

营业中

休息中

今日小弟同友人系旺角听到尼间野新开，深爱台湾美食文化嘅我紧系狗冲la。一坐低我就叫左个葱油饼加大肠面线，朋友就叫左个起司肉松蛋饼。(我太肚饿唔记得左影😂)第一样黎嘅系大肠面线，大肠都算多，但比较碎，面都有几棵莞茜。味道就好重豉油味，蒜蓉同莞茜味。面线就好冧。讲真，同台湾味道唔同都算，可能系个人特色，但个阵豉油味同我饮紧豉油汤真系无分别😡接著系葱油饼，葱油饼嘅饼皮通常有两种，一系整到好脆，一系就比较烟韧嘅。但佢又唔脆，又唔烟韧。葱味有，但唔算多。大多数系食紧面糊嘅味道，真系唔知食紧d咩🌚最后就系个起司肉松蛋饼，一黎到，同葱油饼一样，都系唔够热❄️d芝士根本唔融。。。味道就好单调，馅料味道完全唔融合，芝士还芝士，肉松还肉松。真心唔推，其他野未试过，但以上嘅野真系唔好嘥钱食