麵家山下 (已搬遷) 新店位置

第一次难食到要上嚟写食评。之前都有食过佢嘅拉面，觉得不过不失，一排无食，见佢新出咗沾面，满心欢喜谂住去试吓。同以往一样楼下俾钱，再上楼上等开餐，等咗十分钟左右已经上餐，上餐速度正常。讲返食物质素啦，个沾面一上枱我已经即食，个汤顶多系叫暖，甚至可以讲系凉咗，连佢上面𠮶啲鱼粉都溶唔到。味道上可以话无味，好似用佢自己个拉面汤底沟生粉水整出嚟。再讲就系叉烧，唔知点解都可以系冻嘅！面方面就同佢拉面嘅面质一样。总括而言，第一次系香港食到咁差、咁低质嘅沾面，竟然仲可以卖到90蚊一碗，亦都极之失望，估唔到一段时间无食，食物质素可以差成咁，再次强调90蚊一碗！够胆拎呢啲质素嘅食物出嚟俾人食。