大師傅粥品 (萬廸廣場)

营业中

休息中

由于依两日胃痛，今朝返工嘅时候经过大师傅就顺便入去买碗白粥做早餐。从来无谂过白粥都可以伏到一个点。其实新蒲岗有好几间传统又平嘅粥店，但我谂住已经唔舒服就不如对自己好啲啦！坦白讲，$15一碗白粥真系唔算平，外面其他粥店一碗白粥都系十蚊左右，而且啲粥起码会见到有米有水。但大师傅依碗白粥即程系米糊，个样似杏仁糊，但又杰又无味（少少米味都无），食两啖个胃仲痛过未食。睇佢门面我真系以为靠得住，试完真系唔会再有下次。连一碗白粥都搞成咁，「大师傅」真系要检讨吓。