君戶鍋貼大王 (已搬遷) 新店位置

之前在湾仔已经中过伏一次，今次冇睇清楚就行咗入去尖沙咀呢间，仲点咗锅贴，同菜肉云吞。锅贴 3.5 元1只 ，菜肉云吞6只 33元 。但真系未食过咁难食嘅锅贴 同菜肉云吞！  锅贴皮 又厚又硬，猪肉里面有碎骨，怀疑没有洗干净啲猪肉，所以连碎骨都绞埋落去，一不小心就会咬崩牙的。菜肉云吞仲离谱，唔系用云吞皮，系用锅贴皮做，好厚好硬，啲猪肉都熟晒，个皮都仲未熟，个汤底系清水，完全冇味，汤里面有啲椰菜，但冇煮过，系生嘅。真系要认住呢间食店，千祈千祈唔好再行入去！