牛扒先生 (東港城) (已結業)

食个lunch set，三个人叫左四个餐。价钱系80至170。所有食物完全唔新鲜，上到枱啲食物好似放左好耐。叫左个Ribs，上到黎得4旧。完全未遇过呢个情况，rib 究然得四旧 咩乡下。牛排又鞋到不得了，成块都系血水，劲唔新鲜。鸡鞋过石头，仲要完全冇鸡味。行完四个钟头山谂住食返餐好，点知食左餐垃圾。系极肚饿既情况下都觉得难食真系好夸张，呢世人都未食过啲咁难食既野。劣食中既极品。同个貌似经理既人讲啲野难食，佢完全冇谂住跟进，仲要冇乜礼貌。