影片
更多
2023-10-11
411 浏览
之前成日经过见到间嘢几特别，打算揾一餐试下，突然今晚有时间就谂住入去食一入到去见到有张吉枱冇人放摆好咗两个位，就行咗过去，谂住问啲姐姐2个人可唔可以坐喱到，点解张枱喺佢哋隔离，都唔俾我哋坐，然后态度劲差咁系咁叫我哋去角落头坐，𠮶张枱咩都未摆，位置特别窄，咁啱我同男友都系有啲份量嘅人，坐出坐入唔系撞到只脚就系顶住晒，谂住食完餐饭快啲走，都唔想计较呢样。咁我哋落完单之后就等紧啲嘢食送黎初头凤尾饺食落都觉得还好，到后来黄金糕送到即刻食都系硬嘅，等咗好耐食到七七八八先上红油抄手，成个味道都好奇怪，啲肉好似唔熟咁，同埋个馅好似冇经过任何调味，抄手入面净系见到肉同埋韭菜，味道方面韭菜味超重，肉有骚味，韭菜味系劲到我男友食开韭菜都嫌太臭，但我最担心都系怕煮唔熟，无论影出嚟定系实物望落都好似生生地咁。总结：员工态度唔算好食物以最基本嘅（烧卖、虾饺）嚟讲水平正常，但有部份食物系可以以难食嘅形容价钱方面偏贵，两个人叫咗七样点心埋单254蚊如果未食过嘅可以建议唔好去食，反正我唔会再食第二次。望落装修几特别，但冇谂过水准会令人失望
一入到去见到有张吉枱冇人放摆好咗两个位，就行咗过去，谂住问啲姐姐2个人可唔可以坐喱到，点解张枱喺佢哋隔离，都唔俾我哋坐，然后态度劲差咁系咁叫我哋去角落头坐，𠮶张枱咩都未摆，位置特别窄，咁啱我同男友都系有啲份量嘅人，坐出坐入唔系撞到只脚就系顶住晒，谂住食完餐饭快啲走，都唔想计较呢样。
咁我哋落完单之后就等紧啲嘢食送黎
初头凤尾饺食落都觉得还好，到后来黄金糕送到即刻食都系硬嘅，等咗好耐食到七七八八先上红油抄手，成个味道都好奇怪，啲肉好似唔熟咁，同埋个馅好似冇经过任何调味，抄手入面净系见到肉同埋韭菜，味道方面韭菜味超重，肉有骚味，韭菜味系劲到我男友食开韭菜都嫌太臭，但我最担心都系怕煮唔熟，无论影出嚟定系实物望落都好似生生地咁。
总结：
员工态度唔算好
食物以最基本嘅（烧卖、虾饺）嚟讲水平正常，但有部份食物系可以以难食嘅形容
价钱方面偏贵，两个人叫咗七样点心埋单254蚊
如果未食过嘅可以建议唔好去食，反正我唔会再食第二次。望落装修几特别，但冇谂过水准会令人失望
张贴
