沙縣特色小吃

营业中

休息中

今日要出席一个丧礼，先在红磡食个快嘅晚餐。见到间沙县小吃店，真系未食过，网上查一查，原来沙县小吃起源中国福建省三明市的沙县，是具有沙县当地特色的一系列小吃的总称，属于闽菜。就入去试试！环境光猛企理，地方阔落，多张卡座，坐得舒服。选择有饺子、云吞、炖盅、套餐、水煮、汤/干面、凉菜、香炸、饮品等。招牌蒸饺 （$35）摆到好似一朵花，卖相好靓！皮薄饀饱满，鲜肉中加咗蔬菜粒，仲要无乜无肥膏，健康之选。再点啲醋汁，酸咪咪更好味！雪梨猪肺盅 （$38）原个炖盅上枱，热辣辣。内有多件猪肺、雪梨等，真材实料，滋润顺喉，有祛咳润肺之效！另点一份营养炖盅饭 （$53）， 拣咗鹿茸菇排骨炖汤、灼菜和热菜蜜。灼生菜翠绿清爽，唔油唔咸，有营之选。热菜蜜就甜美滋润。鹿茸菇排骨炖汤一样热度十足，有很多爽口甘香嘅鹿茸菇、鲜香腍嫩嘅排骨、甘味的参、红枣、杞子等，味道甘香，有温补肾脏之效。酱汁牛腱 （$53）腍嫩入味，香辣之余亦有牛香，唔错！垫底仲有大量爽脆的青瓜丝，沾满红油，但唔算好辣。原来沙县嘅高汤云吞 （$30）好独特，同平时食嘅云吞好唔同㖞！皮非常薄滑，包住弹牙的肉，好似粒肉丸，一啖一口。高汤加了滑而无沙的紫菜，