影片
更多
2009-06-15
143 浏览
呢间野d 服务态度真系第一流咁差，我开左openrice 个account 已经好几年，但平时都好懒上黎写食评，但今日真系顶唔顺，一定要上黎写下，宣泄下今日既不快！一向以黎我同屋企人系星期日返完教会之后都会去天泽饮茶，有时会去三楼既富泽，有时又会去下龙翔。今日就拣左去龙翔。我地拎左张10人台，张台个位对到正风口，我地几个一坐低系度等齐人既时候已经俾d 风兜口兜脸咁吹左10分钟，终于都顶唔顺叫待应阿姐帮帮手较细d冷气，较细完一阵唔知点解又大番，先后三次同阿姐反映过。后尾我见到有个身形较肥既经理，叫左佢过黎同佢好声好气咁问冷气系咪唔可以再较细d, 都未讲到第二句佢就已经开始反驳我（系唔俾机会我讲果种），话佢地酒楼d 冷气系咁，系天泽商场中央架㖞，坏左呀，无得较细架。 （不过之前D待应阿姐又话帮我地较细左，有得较细，咁即系唔系中央啦，究竟边个讲紧真话，真系天晓得了）“小姐你知唔知呀，我较细左你呢边（讲讲下又无中央冷气了），人地隔离台又话热架喇，我顾得边个先得架？” 我问：“咁有无其他方法呀？我地真系觉得好冻”肥经理：“无架喇，边有方法呀？一系同你调台啰好无？” 我话：“好丫咁你帮我调，几耐度
一向以黎我同屋企人系星期日返完教会之后都会去天泽饮茶，有时会去三楼既富泽，有时又会去下龙翔。今日就拣左去龙翔。
我地拎左张10人台，张台个位对到正风口，我地几个一坐低系度等齐人既时候已经俾d 风兜口兜脸咁吹左10分钟，终于都顶唔顺叫待应阿姐帮帮手较细d冷气，较细完一阵唔知点解又大番，先后三次同阿姐反映过。
后尾我见到有个身形较肥既经理，叫左佢过黎同佢好声好气咁问冷气系咪唔可以再较细d, 都未讲到第二句佢就已经开始反驳我（系唔俾机会我讲果种），话佢地酒楼d 冷气系咁，系天泽商场中央架㖞，坏左呀，无得较细架。 （不过之前D待应阿姐又话帮我地较细左，有得较细，咁即系唔系中央啦，究竟边个讲紧真话，真系天晓得了）
“小姐你知唔知呀，我较细左你呢边（讲讲下又无中央冷气了），人地隔离台又话热架喇，我顾得边个先得架？” 我问：“咁有无其他方法呀？我地真系觉得好冻”肥经理：“无架喇，边有方法呀？一系同你调台啰好无？” 我话：“好丫咁你帮我调，几耐度会有呀？”肥经理：“调啰调啰，即刻调，果边有吉台呀，4位既，你o岩唔o岩丫?” 我话：”呀经理，请问我地10个人点坐落去4人台?我要一张10人台”
我地觉得呢个肥经理根本就唔系想为顾客解决问题，分明只系想窒番我啰。
之后个肥经理同左一个待应讲话 “有台帮佢转啦, 有台先帮佢转㖞”
之后十几廿分钟我地见到周围既八人台都有人入紧座。后尾带位姐姐带左后尾黎既屋企人，见我地系度讨论就问我地咩事，一问之下原来根本就无人同佢讲我地要调台呢个安排！即系个肥经理根本乜都无做过！
奶奶走左过隔离张台度睇果边系咪会无咁冻，另一个睇黎似高级d 既经理问佢咩事，然后我就再同佢讲呢件事，因为当时隔离台已经差唔多食完，我就话，我等呢张台得架喇，有台你就安排我坐过黎啦”，佢竟然同我讲“你唔好咁大声先，会影响其他客人架（我心谂，你头先你个同事咩态度咩语气咩声量呀，唔知边个大声先啰！）你系觉得呢张唔冻喇嘛，好丫，咁你企系度等”．．．我问佢我仲乜要企系度等，我返埋位等唔得咩？我之后净系同佢讲，总之我想转台，你乜都唔洗帮我搞，我净系等呢张得架喇！无理佢就坐番埋位。
成间酒楼d 经理都系一样咁无礼貎，亦无打算帮客人解决问题，果个位冻，你唔帮人转台，都其实可以俾件披肩个客搂下，就算无披肩都可以俾张台布个客搂一搂。
好，我返埋位等既时候屋企人已经到齐。之后果个好似高级ｄ既经理走黎同我地讲，有台啦，不过细小小㖞，果度一定唔冻，就叫我地起身。去到近门口既位置，俾左张得4张凳既圆台仔俾我地！d 待应系咁拎d 圆凳仔黎！我地所有人都觉得呢个安排好奇怪，似系想敷衍了事咁。
跟住奶奶就话唔食啦唔食啦，走啦，就拎左张单去揾果个经理话我地唔饮啦就去左埋单。
我走返转头问果个肥经理姓乜，佢问番我转头：“我姓谭既，你想投诉我呀？我地d 老板系哂度架喇（指向另外果个经理），你咪投诉啰”
呢间野我地以后都唔会再帮衬！
张贴