Marco's buffet (已結業)

老人家生日唔想我哋使钱又想d小朋友有得行吓玩吓决定左呢间，12位5个大人3长者4小童，用晒d优惠除开16x蚊一位，平时食餐普通晚饭嘅价钱。坦白讲一去到见到食物种类少，无所谓buffet嘅回本菜，呢间野一分钱一分货啦。𠮶晚食左嘅野唔多：1）沙律叶+烟三文鱼+风干火腿无贵价嘅菜，烟三文鱼同火腿不过不失，讲真出去食一个咁大份嘅salad点都过百。2）烧羊仔肉烧得唔错约5成熟，可惜限量出一两次就无。3）赠品芝士焗龙虾肉质老，味道麻麻，唔会再想食4）忌廉磨菇汤几好味足料，点知返到屋企劲口渴5）豆腐蒸鱼嘅豆浆味道淡，节食者福音6）chesse cake 同平时d buffet无得比嘅，味道同质地都唔错可以食多件。成餐饭食得好开心，老人家觉得平，小朋友可以出去帮自己块pancake 唧吓酱，攞吓食物，如果屋企人提意可以再去。最后要赞吓呢度嘅staff 好好，有礼貌好笑容，回应速度快又helpful。