李家 (已結業)

大家见我做野做得唔开心！再约饭聚！本来去 Amico 1890 因为上次食左张现金卷可以再用！点知去到成门口都系人...唔记得订位既坏处 😭😭即刻转场啦！醒起马会果边有间李家不如上去试下啦！多人咪又走啰 😂😂 上到去都算好彩！仲有位！好快入座喇！主要想食炸鸡！我选完之后朋友再点！烧五花腩，呢个好正！好香猪咪！入口又淋好易咬开！个葱丝好香辣！好醒胃！蒸蛋汤，其实都冇汤...个名点黎 😂😂 个蛋老左少少！可以我将佢同日本蒸蛋比！哈哈！个底说好㶶下！千奇唔好不咁底...个口会苦架！50/50 炸鸡！即系原味同酸辣各一半啦！鸡肉我觉得比较干！冇汁！但味道两个味都好好！个人认为原味比酸辣既辣！好搅笑！个皮都唔厚好脆！呢个系芝士海鲜炒年糕，朋友仲话唔够既叫多个炸鸡！原因系佢唔食年糕！点知我地分呢个既时候！入面竟然有乌冬！太好笑喇！悭番！入面海鲜唔算多！但好多菜、年糕同乌冬！十分饱肚！味道比其他菜辣！芝士扯极都唔断...我分呢个分到想发脾气 😂😂 总括黎讲味道唔差！价钱可能叫左个平既！相对除 4个人又唔系好贵！每人都系 150蚊！都可以接受！