李好味 (已結業)

李好味位于中环摆花街，一d都唔难揾，店铺有两层，店内装修充满本土怀旧味，玩味十足，醒目旧式招牌旧式茶餐厅手写餐牌，顶呱呱推介，有唔少抵死𩠌名，怀旧铁窗，旧海报，绿色软皮櫈，红A牌红色灯罩随处可见，被安排坐到窗边位置，店内环境一流，可惜窗外正在修路，有d杀风景，呢片窗影过去，非常有feel,因为唔想饮酒所以叫左mocktail自己柚，店员都话自己钟意饮，无介绍错，酸酸地，唔错唔错，傻豹，雪碧加士多啤梨雪糕，怀旧野黑牛d friend,都唔会唔好饮，老鱿鬼鬼，油炸鬼酿鱿鱼虾胶，再加甜酸酱，送酒一流，够脆够热气，好食，薯头薯脑，波浪薯条，伴以芝士酱，芝士粉，旁边仲有松露蛋黄酱，薯条够粉，一绝，李小龙虾，味道可以但我唔太钟意个汁，有d浓味，反而跟埋既炸馒头配用炼奶打成既cream,反而几惊喜，炼奶cream涂落炸馒头一齐食，入口即溶，好有趣，而且又无平时炼奶咁甜，最后食埋个盐焗有米鸡，呢个要等50分钟，鸡好嫩，但糯米饭唔多，仲有两只鲍鱼，另外怕你唔够味，另上鲍鱼汁比你，味道可以，但唔惊喜，呢个试过就👌,由于食完已经好饱，所以已经无力再食甜品，如果想食下野倾下计，呢间系唔错既选择。